كريم عبد العليم في حوار لـ”رؤية وطن..”اتبسطت بمشاركتي ووجودي مع كاست حلم حياتي”
حوار لميس محمد مصطفى
فنان مصري موهوب ومبدع استطاع ان يقول بعمله من بدون ما يتحدث أن مصر بها ممثلين شاطرين يستطيعوا أن يتنافسوا مع بلاد ثانية ويحصل على جائزة في POTATO in LIFT-OFF GLOBAL (London) وأكثر وأكثر.
معنا ومعكم في موقع رؤية وطن الفنان الموهوب كريم عبد العليم
في البداية نرحب بيك يا فنان ومبروك لنجاح فيلمك POTATO في لندن
ربنا يحفظك شكرا جدا لذوقك
حدثني قليلًا عن شعورك بعد مشاركتك في أعمال مميزة؟
الحمد لله ان ربنا اراد انى اكون جزء من فيلم مهم زى potato ومسلسل قدر انه يعرض قضيه مهمه في مجتمعنا.
كيف تم ترشيحك في فيلم patato؟
ترشيحي للدور في فيلم potato تم من خلال المخرج محمد البدرى في أول أعماله
وكيف تم اختيارك في حلم حياتي؟
مسلسل إلا انا حكاية حلم حياتي تم اختيارى للدور من خلال أ.ياسمين احمد كامل بعد مشاركتي معها في مسلسل إلا أنا حكاية بدون ضمان و تم ترشيحي من خلال الكاستينج دايركتور احمد فرغلي.
ماذا عن شعورك بعد حصول فيلمك على هذه الجائزة؟
سعيد جدا والحمد لله فيلم potato قدر انه يحقق جوائز كتير على مستوى العالم بعد مشاركته في عدة دول
شعورك في تمثيل مسلسل إلا أنا حكاية حلم حياتي؟
مسلسل إلا أنا قدر انه يوصل لقلوب الجمهور بشكل سريع و الحمد لله فرحت جدا إنى أكون جزء من الحدوته دى و أن بداية ظهورى في المسلسل كان ليه رد فعل جميل من الجمهور وبإذن الله ربنا يقدرنى وأوصل لقلوب الناس كلها.
كيف دخلت مجال التمثيل؟
بدأت من خلال مسرح المدرسه الثانوية وبعدها مسرح الكلية وقصور الثقافة والفرق الحره لحد م اتحقق اول حلم في حياتى بفضل ربنا وهو انى اكون طالب في المعهد العالي للفنون المسرحية واكون جزء من الكيان العظيم ده.
هل في الجامعة كنت من أول المشاركين في مسابقات تختص بمجال المسرح؟
مهرجان الجامعات مهم جدا مش بس في مجال المسرح لا في كل المجالات لأنه بيقدر ينمي الموهبة ويخلق إنسان واعي ومثقف.
هل واجهت أي صعوبات في حياتك؟
أكيد واجهت صعوبات كتير و لسه هواجه وده الطبيعي مش بس في مجال الفن لا في كل المجالات.
كل إنسان بينجح في حياته لازم يواجه صعوبات بس الاهم إننا نتخطى الصعوبات دى و نرمي ورا ضهرنا مش هنقعد نعيط و نشكى حالنا بقا.
دخولك لعالم التمثيل والشهرة بواسطة من أحد الأقارب أم بجهدك وتعبك وإثبات نفسك؟
لا الحمد لله كله كان توفيق من عند ربنا
حدثنا أكثر عن شخصيتك في فيلمPotato؟
فيلم potato هو عن لوحة فنية للرسام العالمى فان جوخ
وقصة المخرج محمد البدرى
عايز يقول من خلالها ان الفقر بيقضي علي جميع الفضائل
بعمل شخصية زوج شخصيته ضعيف جدا و انسان سلبي في الحياة مش بيقدر ياخد اى قرار من نفسه
بيشتغل عامل مناجم و بيعيش في غرفه واحده مع زوجته و اسرة تانيه بسبب شدة الفقر اى تفاصيل تانيه بقا
ماذا عن مسلسل إلا أنا وعن شخصية وكيل النيابة؟
دورى في مسلسل إلا انا كان مفاجأة بالنسبالي ان أ.ياسمين احمد كامل وثقت فيا و اختارتنى اكون جزء من عمل عظيم زى ده
شخصية وكيل النيابة شخصية نمطية
زى ما تقولي كده شخصية محطوطة في برواز ليها شكل معين و ده كان الصعب، وهو انى لازم اقدر اكون مختلف عن اى ممثل قدم شخصيه زى دى
فكرت كويس وذاكرت السيناريو والحمد لله ظهرت بشكل كويس وناس كتير اتبسطت بوجودى بفضل ربنا في الاول و توجيهات أ.ياسمين احمد كامل.
هل من صعوبة في الفيلم وفي دورك؟
اصعب حاجه كانت في الفيلم التمثيل لانه غريب و مختلف احنا جزء من لوحه مرسومين لينا شكل وحركة مختلفة و اداء مختلف
وكان من اسعد لحظات حياتي لما عرفت ان اللي هتعمل دور زوجتي الاستاذه (لبنى ونس ).
هل تحتاج مهنة التمثيل جهد وتركيز كبير؟
بالتاكيد تحتاج جهد وتركيز
مع مَن مِن المخرجين تتمني العمل معه ؟
نفسي اشتغل مع مخرجين كتير قوي كل واحد ليه مميزاته اللي هتضيفلي كتير و يسعدونى اتطور بسرعه
بس اللي حلم عندى اشتغل معاهم في يوم من الايام أ.مروان حامد
أ.شريف عرفه أ.كامله ابو ذكرى
اعتقد لو ربنا شاء انى اشتغل مع حد منهم هكون اسعد انسان في الدنيا و هيحصل في يوم من الايام بإذن الله.
ماذا عن النجوم الذين تعاملت معهم؟
كل الممثلين اللي اشتغلت معاهم كان ليا الشرف انى وقفت قدامهم و بإذن الله ربنا يجمعنى بيهم تاني واتشرف بالشغل مع ممثلين غيرهم.
ما هي أعمالك ومشاريعك في الدراما والسينما؟
الحمد لله حتى الان في السينما فيلم potato و في الدراما مسلسل الا انا حكاية بدون ضمان و مسلسل إلا انا حكاية حلم حياتي وبإذن الله يكون في شغل جديد قريب.
في نهاية حوارنا استمتعت بهذا الحوار الشيق والممتع ونتمنى لك دوام النجاح والتوفيق وتكسر الدنيا
وبشكر حضرتك يا أستاذة لميس وجريدة رؤية وطن على هذا الحوار ربنا يحفظك فرصة سعيدة جدًا
مراجعة… مادونا عادل عدلي
سميحة أيوب لـ رؤية وطن.. “أجازة مفتوحة خفيف ورسالته تهمني شخصيًا”
