حلا شيحة تهاجم تامر حسني بعد نجاح “مش انا”.. ده ميرضيش ربنا وفتنة الشهرة مش بتخلينا نشوف
أمنه أحمد إسماعيل
هاجمت الفنانة ” حلا شيحة” الفنان المتألق “تامر حسني” بعد نجاح فيلمهُ الجديد الذي بعنوان ” مش انا” الذي تشارك فيه هي ومجموعة من النجوم، حيث أنها قامت بنشر صورة بوستر خاصة بالفيلم معلقة عليها قائلة: “انا اتفاجئت جدا بنزول كليب يجمع فيه مشاهد متفرقة من الفيلم و في أيام ذي الحجة أيام مباركة وخصوصا بعد اخر بوست نزلته ووضحت فيه انا ايه”.
وتابعت قائلة:” اتفاجئت أكثر خصوصا بعد وعد تامر حسني ليا وتأكيده أنه يحترم رغبتي وبعض الطلبات اللي طلبتها منه بكل إحترام وود الصيف اللي فات اكد لي انه يحترم رغبتي، إحنا يمكن نجحنا بمقياس الدنيا بس صدقوني بمقياس ربنا احنا لم ولن ننجح”.
وأضافت:” انا عارفة ومتأكدة أن زملائي جواهام خير بس للأسف فتنة الشهرة والنجاح مش بتخلينا نشوف ونقيس الامور صح، بتكلم من قلبي الكليب ده ميرضيش ربنا وانا عيطت لأني شفت نفسي في المشاهد دي، دي كانت ولا نتيجة ظروف مريت بيها وكلنا بنغلط علشان احنا بشر بس المصيبه اننا نغفل وننسى”.
وقالت أيضًا: ” وأنا مش هتكسف من حد أنا تبت من المشاهد دي وهي لا تصح وأنا غلطت وصلحت وأهم حاجه أن ربنا يرضي عني لأن في الآخر ده اللي هينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص إحنا أغلبنا ناسينها إلا القليلين منا”.
كما تابعت قائلة:” الفن هو بيخلينا نبعد عن منهج ربنا ومتبقاش قدوة لأولادنا يبقي باطل ومايبقاش فن ، إحنا كلنا عندنا إمتحان في الدنيا دي وحابة افكرك بالفيديو ده يا تامر اللي قولت فيه أنا مش بتمنى اموت وأنا مطرب أنا دائمًا خايف من كده، كلام أكيد قولته في لحظة صدق جواك وجوانا كلنا، شوفه تاني يمكن يفكرك أن جواك أكيد في صراع واتا وكلنا بنغلط بس المهم في الآخر نتدارك الغلط ونصلح”.
واختتمت حديثها قائلة هذه الآية الكريمة: {إلا من تاب وآمن وعمل عملا صالحا فأولئك يبدل الله سيئاتهم حسنات وكان الله غفورا رحيما} ، الله على كلام الله وجماله ياسلام لو أصواتنا ومواهبنا كلها نستعملها في الخير عشان يبقى فن بجد.
ويذكر أن فيلم ” مش انا” من إخراج سارة وفيق، وتأليف تامر حسني، وبطولة كل من حلا شيحة، حجاج عبد العظيم، سوسن بدر، محمد عبد الرحمن، عصام السقا، وغيرهم من النجوم.
والجدير بالذكر أن تامر قد طرح يوم الثلاثاء الماضى الموافق 13يوليو فيديو كليب أغنية ” مش تمثال” الذي تم تقديمها للجمهور نهاية الفليم، فهي من كلمات محمد الآياتي، وتوزيع أمين نبيل، وألحان محمد حمزة.
