عادل الخضري: أنا السبب في غيابي.. وناس كتير حاربت نجاحي

 

كتبت: دنيا عبد الكريم

 

كشف المطرب الشعبي عادل الخضري أسباب ابتعاده عن الساحة الفنية مؤخرًا، وذلك خلال لقائه مع الإعلامية إنجي هشام في برنامج “المنسي”.

 

إذ قال:
أنا السبب في ابتعادي عن الساحة الفنية، ومش هقول ظروف خاصة ولكن حسبي الله ونعم الوكيل في ناس لا داعي لذكر اسمائها هي اللي عملت معايا كده، وعاجلًا أم آجلًا الحق هيرجع لأصحابه، ولو مرجعش في الدنيا بيرجع في الآخرة.

وأضاف:
ناس كتير حاربوا نجاحي شعراء وملحنين ومتعهدين، واعتمدت على أخويا في الإنتاج لأن روحت لشركة إنتاج وسمعتهم ألبوم قالوا حلو ولكن هناخد منه أغنية واحدة بس اللي هي أيوب زمانه راح، قالولي هنعمل لك زي ما عملنا لـ حكيم.

 

وتابع:
وعندما قررت أني هنزل الألبوم في أي شركة من شركات الإنتاج، فجأة لاقيت ألبوم حكيم في كل عربيات مصر، ولما سمعت ألبومه وقارنته بالألبوم بتاعي لاقيت الألبوم بتاعي ضعيف جدًا ومينفعش ينزل، وعيدت حساباتي من جديد.

 

والجدير بالذكر أن برنامج “المنسي” يعرض يوميًا في شهر رمضان عبر قناة هي، ويذاع في تمام الساعة العاشرة مساءً.

 

https://www.facebook.com/share/r/oHzLEWiGC9JrTqEU/?mibextid=oFDknk