شيل خوفك من جواك

سلوي صبح

——————

إنك تستسلم وتسلِّم للضعف

ورافض تتكلم

يمكن أسهل ..

حاول تتعب..

تفتكر إن السلبية دفاع؟

دي رجوع وخضوع

ذل وإخضاع !

ولو حسيت إن الدنيا ضاعت من حواليك

قم حارب نفسك

مِد إيديك

وخُد بإيديك

واركن ضعفك وادخل في

صراع!

مع كل الكون إلا ذاتك

مع حد يكون واقف ضدك

رافض ترتاح

رافض تسكن روحك جبنك

عايزك تتهد علشان الكره

اللي في دمه

والحقد اللي ساكن قلبه

واقف ضدك

وحش ومصعور

هيموت م الجوع لازم تقوَى

شوف أي دفاع

دافع عن قلبك وحياتك

وسلامة نبضك

والخوف اللي معشش جوه

كسر جدرانه

اخرج من كوخك الضلمة

والخوف اللي عايش جواك

حاول تتخلص من كل الحزن

اللي خرَّب فرحك

داس على قلبك

حاربه بنفسك

خليك راضي بكل قدرك

عيش جوة رضاك..

واتصالح مع كل جروحك

أيوة بقولك:

صالح نفسك

طهر قلبك..

شيل خوفك من جواك..