اللي جارح قلبك

بقلم داليا يحيي

اللي جارح قلبك في يوم
من سنين قلوب جارحاه
نلتمسله ألف عذر
لما يصرخ فينا اااه
لما يتحول لجارح
دا رد فعله م الحياة
لما تضيق بيه المطارح
لما الكل عنه يبعد
والجميع يرفض يصالح
يبقي سبناه زي الغريق
وفي إيدينا طوق نجاة
اللي جارح زي ورقة في غصن
فاضي ،، الكل سابه
حتي وقت ظلمه لينا عمر
قلبه ما شافه عادي
كان يحاسب نفسه دايما
كل لحظة ، ويدعي الإله
إنه لنفسه بكره يعود
إنه يعرف إزاي يحب من غير حدود
إنه يرجع عن طريق ضلت ياما فيه خطاه
إنه يحضن بروحه كل اللي سابه
كل اللي خاض يوم في حقه ولا عرضه
كل حد في مره عابه
واللي عمره ما كان في يوم عامل حسابه
إنه يصبح موصوم بعار
إسمه أصبح جوا لستَه ناس كتار
شغلهم هو جرح القلوب
عشقهم بقي ذل غيره والإنتصار
حتي لو كان النتيجة .
هي دائما الإهانه والإنكسار
قلبه عاشق للدمار
اللي جارحك ،، كتر الآلم ويا الجراح
خلي عقله منه سابه في يوم وتاه