رؤية وابداع
كل هذا سوف يمر
كل هذا سوف يمر
بقلمي :شيماء الشربيني
كل ده حتما هيمر
ويعد معاه عداد
عمرك محسوب بالثانية
وبينقص كل ما زاد
كل ده حتما هايمر
وتمر سنين وياه
ترسم تجاعيد علي وشك
علامات وخطوط متسابة
بوضوح وكإن كتابة
بتقول كشرت كتير
والحزن في قلبك فاض
كل ده حتما هيمر
ومافيش حاجه مابتمرش
أحزان أفراح ميضرش
يعني الجملة مبتسرش
بتبوظ أي ميعاد
كل ده حتما هيمر
بتقولها أمل وعناد
وتصبر نفسك بيها
وتضيع عمرك فيها
مع إنك عارف جدا
الحزن ممرش سهل
ومافيش فرح بيتعاد
#شيموفرينيا
إتبعنا
