رؤية وابداع
نفسي_يارب
بقلم : بيشوى مجدى
نفسي يا رب أقولك حاجه
علشان قلبى واجعنى بجد
أصلى يا رب بكل سذاجه
بتعلق من حد لحد
واللى سامحته اكمنُــه وجعنى
رد بقوه وِ لــطم الخد
حتى حبايبى يا رب سابونى
واللى شاريتهم قاموا باعونى
وانا أفضل جداً من غيرهم
أو بكدب و كإنى تمام
نفسي يارب أقولك حاجه
أو يمكن مش لاقى كلام
معظمهم بالشر كسانى
واللى شافونى ب ظن وسوء
واللى كسرنى واللى رمانى
بعد ما خدتُـه معايا لفوق
حتى صحابى يارب نسونى
فا انا فعلاً جدا مخنوق
حتى حبيبتى يارب ” فلانه “
كنت فاكرها صحيح إنسانه
وطِـلعت حد بجد سخيف
ده اللى يسيب الحب بــ حِـجه
يبقى محبش .. يبقى ضعيف
شكل الدنيا بدونك انت
آسف جدا شكله مخيف
عارف انى حكيتلك ياما
انا آسف تـَــقِّـلت عليك
نفسي يارب ف كلمه أخيرة
لو تسمح …” ودينى إليك “
#نفسي_يارب
للمزيد من المقالات اضغط هنا
إتبعنا
