عطار يطرح أحدث أغانيه “بطير في الهوا”

كتبت: دنيا عبد الكريم

قام المطرب الشاب عطار، بطرح أحدث أغانيه، والتي بعنوان “بطير في الهوا” عبر موقع الفيديوهات الشهير يوتيوب ومنصات الموسيقى المختلفة ومحطات الراديو.

وتناول عطار في تصوير الأغنية، فكرة كوميدية، من خلال لاعب كرة سلة يتعرض لعدد من المواقف الطريفة أثناء مشاركته في إحدى المباريات.

وقدم عطار أسلوبه الغنائي الخاص، الذي يحصل دائمًا على اشادة جمهوره، وقد شارك معه في كليب الأغنية فرقة استعراضية تحت قيادة مصممة الرقص المعروفة كارينا.

وتعد الأغنية من كلمات مصطفى حدوتة، ألحان عطار، وتوزيع موسيقى كلوبيكس، والكليب من إخراج إسلام هشام، ومن إنتاج شركة “مزيكا” للمنتج محمد جابر.

وتقول كلمات الأغنية:
بمشي دوغري ممشيش بطال
نجمي عالي انا مش بطال
انا الصالح في عالم ضال
لو شيلت منكو مش هصفي
مش مشنقه ده حبل الافكار
بيني وبينكو فرق الأسعار
في كل حته هتلاقو عطار
هو اللي بيعمل الوصفه
بطير في الهوا فوق
انت ولا الهوا فوق
ده كلام ف الهوا ماليش الهوا مش نافعين سوا
جاي تحدف بلا اه
بس جتك اوا ياه
مش بالفهلوا لو ليك الهوا يا ۲۰۰۰ هلا

جاي ف حب مبجيش ف خصام
ليا ضهر ف ماليش اخصام
لو هنحسبها بالارقام
انا هبقي اكيد رقم واحد
مش ملعبي وبطلع كسبان
ف المواقف الناس بتبان
بقيت سيرتي ع كل لسان
وكل قال ان انا جامد
بطير في الهوا فوق
انت ولا الهوا فوق
ده كلام ف الهوا ماليش الهوا مش نافعين سوا
جاي تحدف بلا اه
بس جتك اوا ياه
مش بالفهلوا لو ليك الهو يا ۲۰۰۰ هلا
بطير في الهوا
انت ولا الهوا
مش علي المزاج
دول مش علي الكيف
دمي حر انا كلمتي سيف
اوضه وصاله وانا جاي فيها ضيف
انا معنديش حاجه اخسرها
ليا حق مايروحش بلاش
فاكر اللي ليا مبنساش
عنيكو علي حاجبي متعلاش
لو عنيكو عليت هكسرها
بطير في الهوا فوق
انت ولا الهوا فوق
ده كلام ف الهوا ماليش الهوا مش نافعين سوا
جاي تحدف بلا اه
بس جتك اوا ياه
مش بالفهلوا لو ليك الهو يا ۲۰۰۰ هلا
بطير في الهوا فوق

والجدير بالذكر تعتبر أغنية “بطير في الهوا” هي ثاني تعاون بين عطار والمخرج إسلام هشام، حيث كان التعاون الأول من خلال أغنية “انا جيت” – “انا جيت اكحلها عميت”.

وحققت الأغنية نجاحًا كبيرًا وقت عرضها في شهر فبراير الماضي، وتخطت حاجز الــ 12 ملايين مشاهدة على اليوتيوب.