رحيل الفنان تامر ضيائي بعد إصابته بجلطة
كتبت: مريم محمد
أعلن الفنان محمد علي رزق وفاة الفنان تامر ضيائي عبر صفحته الرسمية على موقع فيسبوك وكتب قائلاً: لا حول ولا قوة إلا بالله .. صديقي وأخويا الكبير عشرة عمري تامر ضيائي في ذمة الله.
وأكمل محمد علي رزق: “الله يرحمك يا تامر ويجعلك من أهل الجنة ويعوضك عن تعبك في الدنيا .. نسألكم قراءة الفاتحة والدعاء له بالرحمة والمغفرة .
وكان قد تعرض الفنان تامر ضيائي إلى جلطة منذ فترة والتي جعلته يصارع كثيرًا مع مرضه هذا حيث كان قد أجرى عملية قلب مفتوح.
وكان قد كشف الفنان تامر ضيائي عن وصيته بعد تعافيه من الجلطة بفترة عبر صفحته الرسمية على موقع فيسبوك فكتبت قائلا: بوست الوصية دا هيفضل باين على صفحتي لحد ما أموت .. الحقيقة اللي كلنا عارفينها ومتأكدين منها أننا كلنا ربنا كتب لينا إننا نموت في ميعاد محدد غير معروف .. عشان كدا أنا كتبت الكلام دا لأني محتاج حاجات معينة تتعمل وحاجات خايف تتعمل، وأنا مش عايز حد يعملها لمجرد إنها معروفة .. ووقتها طبعًا مش هعرف أقولها لحد.
وأكمل كلامه قائلاً: دي وصيتي .. صلاة الجنازة أهم من العزاء، وهي أن كل ما العدد زاد .. كل ما زاد ثوابي وكان أكتر .. فأنا أرجوكم تصلوا عليا .. مش شرط تيجي العزاء، وياريت لو اتعمل في البيت أو مكان بسيط بفلوسه تطلعولي صدقة جارية أفضل.
وأنهى قائلا: من فضلكم .. لم يثبت أو يتفق عليه عمل خاتمة قرآن للمتوفي إنها هتوصله .. بس مثبت إن الدعاء والصدقة بيوصلوا للميت، فرجاء دي بالذات بلاش .. وادعولي الوقت اللي هتقروا فيه جزء .. فضوا نفسكم واقعدوا أدعوا فيه .
