“زي الجنة”.. عمل يجمع أحمد كامل وزاب ثروت لأول مرة

كتبت: دنيا عبد الكريم

قام النجم أحمد كامل ونجم الراب زاب ثروت بطرح أغنية جديدة بعنوان “زي الجنة”، والتي تجمعهم للمرة الأولى، وذلك عبر موقع الفيديوهات الشهير يوتيوب ومنصات الموسيقى الإلكترونية.

وتصدرت الأغنية التريند عبر موقع اليوتيوب، إذ احتلت المركز الخامس، وحققت الأغنية نسبة مشاهدة عالية وصلت لـ 169 ألف مشاهدة.

ودارت فكرة التصوير من خلال مفهوم البودكاست (podcast) حيث ظهر كل من أحمد كامل وزاب ثروت وهما في محادثة، يحكى كل منهما تجربته للأخر.

وتعد أغنية “زي الجنة” من كلمات وألحان أحمد كامل وزاب ثروت، توزيع موسيقي ماهر الملاخ، الكليب من إخراج يارا عياش، وإنتاج شركة “جاما ميوزيك” للمنتج محمد جابر.

وجاءت كلمات الأغنية كالآتي:
ده انا عينى شافت كل شئ الا العيوب

حبك ده ذنبي ومسيرى عنه يوم اتوب

واللى باقيلي بقايا منى فيها روح

وكلام اغاني مبقاش يطيب الجروح

كانت زي الجنة انسى ولا استنى كانت احلى غنوة من كل اللي اتغنى

خلصت الحكاية مش هنحكى عنها مش هتبقى معايا مش هنيجي في بالها

كانت زي الجنة انسى ولا استنى كانت احلى غنوة من كل اللي اتغنى

خلصت الحكاية مش هنحكى عنها مش هتبقى معايا و مش هنيجي في بالها

الدنيا مش بمبى وانتى مش جنبي

ولا دمعة تنزل على خدى الذنب مش ذنبي

منا عارف وعرفت الناس بتخبى نواياها يا صاحبي

فأياك تحكى او تشكى ألمك احبابك احلامك دايما ليهم خبى

عمري بيكبر والخوف اكبر شايف الغلطة هتتكرر

راهنت زمان على ناس وخسرت دلوقتي هبطل

سنين بتعدى وبنعافر يمكن انساكي ف الاخر

يمكن نتعاتب واسامح مش عارف

آه يازمن لعبت بيا والتمن دفعته لوحدى

والالم جوايا بيكبر ايه العمل

آه يازمن لعبت بيا والتمن دفعته لوحدى

والالم جوايا بيكبر ايه العمل

كانت زى الجنة انسى ولا استنى كانت احلى غنوة من كل اللي اتغنى

كانت زى الجنة انسى ولا استنى كانت احلى غنوة من كل اللي اتغنى

خلصت الحكاية مش هنحكى عنها مش هتبقى معايا و مش هنيجي في بالها