أحمد عبداللاه: الممثلين تدربوا ٣شهور على السيوف والخيول في مسلسل الحشاشين
أميرة الشاذلي
كشف الفنان أحمد عبداللاه مصمم المعارك عن تدريب الممثلين في مسلسل الحشاشين، والمعارك المعقدة في المسلسل، بأن المسلسل تاريخي، لذلك اعتمد فيه على فريق من الخارج للمساعدة في تدريب الممثلين وتدريب الخيول وكانوا حوالي ٢٥ أو ٣٠ في الميه من فريق العمل المصري.
قال”عبداللاه” خلال برنامج “الستات” المذاع على قناة النهار:
“كل أدوات الشغلانة موجودة عندنا لكن الفكر نفسه في الحشاشين بداية من الناس الي بتجري والي بتقع من على الأحصنه احتاجنا لفريق من الخارج ساعدنا في الحلقة الـ١١ من المسلسل، وفي الحلقة الـ٢٣ عملنا كل ده لوحدنا كمصريين فقط في تخطيط وتصميم المعارك”
تابع:
“في الحشاشين كنا حوالي ٧٠ شخص والجرافيك ضاعف العدد، لكن أنا فريقي الخاص حوالي ١٥٠ شخص، والممثليين تدربوا على مدار ٣شهور على الخيول والسيوف، والخيول تم تدريبهم شهر ونص لأنها كانت خيول غير متدربه وعادية من نزلة السمان.
واستكمل أحمد عبد اللاه:
“عبداللَّه ابني هو الي عمل أول مشهد في الحشاشين وعنده ٢٠ سنة وبيشتغل معايا من سنة، لو هخاف عليه من الإصابات أكيد هخاف على الفريق كله، ودايماً بحب الي يشتغل معايا تكون دماغه شغاله مش بيشتغل علشان الربح وبس، لأن أنا بحب شغلي تصميم المعارك أكتر من التمثيل ، ولو التمثيل هيجي عليها هسيب التمثيل علشانها”
والجدير بالذكر أن مسلسل”الحشاشين” من تأليف عبدالرحيم كمال لبيب، إخراج بيتر ميمي وإنتاج شركة سينرجي.
وهو من بطولة كريم عبدالعزيز، فتحى عبدالوهاب، ميرنا نور الدين، أحمد عيد، إسلام جمال، بيقولا معوض، سامي الشيخ، ميمي جمال، عمر الشناوي، نور إيهاب، سوزان نجم الدين، نور محمود، بالإضافة إلى عدد من الفنانين ضيوف الشرف.
