سلمى غريب تكشف سبب غيابها عن الساحة الفنية

كتبت: دنيا عبد الكريم

حلت الفنانة سلمى غريب ضيفة على برنامج “المنسي”، الذي يعرض عبر شاشة هي في رمضان، وكشفت خلال اللقاء تفاصيل بداياتها الفنية، بالإضافة إلى سبب غيابها عن الساحة الفنية لمدة 7 سنوات.

إذ قالت:
دفعتي في معهد السينما كانت مميزة جدًا لأني كنت دفعة أحمد السقا ورامز جلال ومحمد سعد، وكانوا أحلى 4 سنين في حياتي، وترشيحي لمسلسل حديث الصباح والمساء كان عن طريق المخرج أحمد صابر، مسلسل كان فيه 180 ممثل وممثلة، وبعتولي المسلسل قبل ما يبدأوا بـ أسبوع وبقيت مخضوضة ومبهورة، وكان من أحلى المسلسلات اللي عملتها في حياتي.

وعن فترة غيابها، تحدثت سلمى غريب قائلة:
أنا بقالي 7 سنين كده كاشة من الحياة، اتعودت على أسلوب معين أني أشتغل من غير واسطة، ودلوقتي بقيت أكتشف أن ممكن يجيلي تليفون عايزينك في مسلسل بكره الصبح، بكره الصبح أروح أعمل إيه؟ ومتقلقيش المشاهد ممكن تيجي على التليفون وإحنا واقفين، وده جو أنا مش متعودة عليه خالص، يعني لما أجي اتفق اتفق على إيه، أنا مش عارفة أنا فين.

وتابعت:
في حاجات لما تتعرض بغير جدًا وبقول إزاي أنا مش فيها ببقى هموت، ولازم يكون في تناغم وأحضر وأتكلم مع المخرج.

والجدير بالذكر يعرض برنامج “المنسي” يوميًا في شهر رمضان عبر شاشة هي، وتقدمه الإعلامية إنجي هشام.