شريف سلامة: أنا ضد السوشيال ميديا.. ومبحبش اللف والدوران

كتبت: دنيا عبد الكريم

تحدث النجم شريف سلامة عن حبه الخصوصية في حياته، وذلك خلال استضافته مع الإعلامية إيناس سلامة الشواف في برنامج “ألبوم صور”، الذي يعرض عبر محطة راديو إنرجي 92.1 ضمن خريطة برامج رمضان 2024.

إذ قال شريف سلامة:
” بحب يبقى مسموح للناس يشوفوا شغلي وشخصياته ويصدقوها.. لكن أنا ضد السوشيال ميديا والناس تشوف حياتي الشخصية”.

وأضاف شريف سلامة قائلًا:
” احنا فنانين بنقدم وعي ومسئولية كبيرة.. وهنفقد المصداقية والناس مش هيصدقوا شخصياتنا لو عرفوا حياتنا الحقيقية”.

كما تحدث شريف سلامة عن جانب هام في شخصيته قائلًا:
“مش بحب أجمل الكلام واللي بحسه بقوله ولا بحب استخدم فلتر في حياتي”.

وأوضح شريف سلامة أنه يسير على عدد من القواعد الهامة في حياته، قائلًا:
“أنا مبعملش حاجة عشان حد أبدا .. ولو الصورة بتاعتي وصلت غلط لحد بيبقى واجب عليا لو شاف الأمور بشكل مخالف للواقع بوضحله.. لكن لو هو مصمم يشوف نفس وجهة النظر هو حر”.

وأكد شريف سلامة على أن الصورة المرسومة له من الناس حقيقية موضحًا:
” أنا شخص مسالم وحقيقي.. و الأحكام المسبقة ده كلام فاضي.. ميهمنيش الانطباعية وبشوف ان نقل الخبرة في التعامل ده جهل.. أنا بتعامل مع الناس بصفتهم الوقتية وتعاملهم المباشر”.

وأشار إلى أن أهم حاجة في الوجود أن الشخص يتواجد وسط مقربين يكون قادرًا على الحديث معهم بطبيعته، قائلًا:
” مبحبش الشخص اللي بيلف ويدور وبحب الوضوح”.