أبويا.. أحدث أغاني محمد أصلان
كتبت: دنيا عبد الكريم
قام المطرب الشاب بطرح أحدث أعماله الغنائية، أمس الاثنين عبر موقع الفيديوهات الشهير يوتيوب، وتحمل الأغنية اسم “أبويا”.
وجاءت كلمات الأغنية الآتي:
بلوم عليك يا أبويا
م اللي شفته من الزمان
علمتني الاصول
وقلتلي إدي الامان
الناس بتوع زمان
دول كانوا يا مكان
دفعت كتير في حاجه
أرخص من باكو اللبان.
كلامك ليا كان موزون
لكنه يا ابويا عكس الكون
بقيت وسط البشر مجنون
وكله اصطادني واتسلى
عملت بأصلي والأخلاق
ماكنش في قلبي اي نفاق
ماكنتش مرضي للاذواق
عشان عصر الأصول ولا
فاكر يا ابويا اللمه
لما كانوا الطيبين
عايشين معانا يابويا
بس هالحين هم فين
ما بقوش ليه موجودين
هيموتني الحنين
فاكر وشوشهم مهما
مهما هتعدي السنين
كلامك ليا كان موزون
لكنه يا ابويا عكس الكون
بقيت وسط البشر مجنون
وكله اصطادني واتسلى
عملت بأصلي والأخلاق
ماكنش في قلبي اي نفاق
ماكنتش مرضي للاذواق
عشان عصر الأصول ولا
يذكر أن أغنية “أبويا” من إنتاج شركة غاليديا للإنتاج الفني، ومن كلمات أصلان ومحمد حسني، ألحان أصلان وتوزيع وميكساچ مادو الفظيع وسوشيال ميديا محمود دريم والكليب من إخراج محمد غنيم.
والجدير بالذكر أن أخر أعمال المطرب محمد أصلان، أغنية “كنتي فين”، وكانت بمناسبة عيد الحب
