هغيره بسبب التمثيل.. كزبرة يقرر تغيير اسمه
كتبت : مريم محمد
قرر مطرب المهرجانات ” كزبرة “، تغيير اسمه إلى ” أحمد بحر “، وأعلن هذا القرار أثناء لقاؤه مع الإعلامية لميس الحديدي في أثناء استضافتها لأبطال فيلم ” الحريفة ” ببرنامج كلمة أخيرة.
وعلق كزبرة خلال اللقاء : اسم العائلة بحر والناس حبت اسم كزبرة؛ لكن هغيره بسبب التمثيل، أنا كان هدفي الأول هو التمثيل ولجأت للغناء على السوشيال ميديا لأن مكنتش عارف أوصل لهدفي؛ لكن عشان أنا منحدر من منطقة شعبية مكنتش عارف أعمل إيه علشان أمثل، عشان كدا بدأت أعمل أي حاجه تساعدني زي أني أعمل اسكتشات وأغني .. المهم عندي إني كنت أعمل حاجه وحد يشوفني فيها.
وأما عن خلافه مع الموسيقار الكبير حلمي بكر في أحد برامج المواهب علق كزبرة على هذا الحديث قائلًا: مقدرش اتخانق معاه .. دا أستاذ كبير، والموضوع كان سوء تفاهم وهو مفهمش مني أنا حابب أقدم أي.. فحولت الموضوع لاسكتش بسيط.
ويعتبر فيلم الحريفة هو أول أعمال كزبرة السينمائية، والذي يشارك في بطولته نور النبوي، وميدو، وكزبرة، نور إيهاب، أحمد غزي، خالد الذهبي، سليم الترك، وظهور خاص للفنان شريف الدسوقي و بيومي فؤاد، تأليف إياد صالح، إنتاج طارق الجنايني، إخراج رؤوف السيد.
