أخبار الفن

تزامنًا مع عيد الحب.. مي فاروق تطرح أغنية “كل الحبيبة”

 

كتبت: دنيا عبد الكريم

 

حرصت المطربة مي فاروق على طرح أحدث أعمالها الغنائية، تزامنًا مع الاحتفال عيد الحب، وحملت الأغنية اسم “كل الحبيبة”، وذلك عبر موقع الفيديوهات الشهير يوتيوب ومنصات الموسيقى الرقمية ومحطات الراديو.

 

وتعد الأغنية من كلمات تامر حسين، ألحان عزيز الشافعي، وتوزيع موسيقي أحمد الموجي، وكليب الأغنية من إخراج إيهاب العادلي وأحمد الششتاوي، وتوزيع شركة ديجيتال ساوند.

ودارت فكرة الكليب في إطار رومانسي بسيط من خلال تصوير مي فاروق داخل استوديو تصوير وتخضع لجلسة تصوير، وأثناء ذلك تعبر عن فرحتها وشعورها بالسعادة مع حب جديد.

 

وتقول كلمات الأغنية:
عارِف كُل الحّبيبه

وكلامهم على أغانيهم

وعدد ناس فرحانه بيهم

أنا عشقى أكتر بشوية

مرة أو اتنين لاء ميه

 

مين فيهم شاف الطيبة

أتحدى ّ أحن ما فيهم

لو شوفوا طيبتك بعينيهم

زى ما شُفتها ب عينيا

يجوا يشوفوا الحنيه

 

تعرف ساعات ب أستكرتك

على نفسى لما بأبصُ لك

ولما ب أسمع ندِهتك

ياما بعينيا ب أصورك

 

كل الكلام اللى إتكتب

ف الحُب قبلك ده إتلغىّ

إنت الوحيد اللى إتوهب

وصف الحياة دى كُلها

 

 

بكرة حايتقال أسامينا

ل لقلوب لسه بيتلاقوا

حايقلوا فى إتنين ياما دقوا

م الدنيا جمال ليالها

كانوا أغلى حبايب فيها

 

ده إحنا ف دنيا لوحدينا

ومفيش زينا هنا تاني

لاقيا ف حُضنك ده مكاني

طول مانا شايفاك حواليا

انا مابغمضشى عينيا

 

عارف فيك حاجه غريبة

وعينيك لما أسرح فيهم

والله دُنيا لوحديهم

دنيا بلفها ميت لفة

وأحُضن إيديك وأتدفى

 

الناس لو فيهم عيبه

أنا ليه بقى مش لاقيالك

حاجه ألاحظها و أقولهالك

كُلك ياحبيبى مزايا

وحقيقى فرقت معايا

تعرف ساعات ب أستكرتك

على نفسى لما بأبصُ لك

ولما ب أسمع ندِهتك

ياما بعينيا ب أصورك

 

كل الكلام اللى إتكتب

ف الحُب قبلك ده إتلغىّ

إنت الوحيد اللى إتوهب

وصف الحياة دى كُلها

 

والجدير بالذكر طرحت مي فاروق، مؤخرًا، أغنية بعنوان “ليه، وكانت من كلمات خالد أمين، ألحان محمد رحيم، وتوزيع موسيقي أحمد عبد السلام، ومن إخراج إيهاب العادلي وأحمد الششتاوى وحققت نجاحًا كبيرًا على اليوتيوب.

 

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا