محمد الشرنوبي يطرح أحدث أعماله الغنائية “كان نفسي” 

كتبت: دنيا عبد الكريم

طرح النجم محمد الشرنوبي قبل قليل أغنيته الجديدة، التي تحمل اسم “كان نفسي”، وذلك عبر موقع الفيديوهات الشهير يوتيوب ومنصات الموسيقى الرقمية ومحطات الراديو.

وتعد الأغنية من كلمات مصطفى ناصر، ألحان محمد الشرنوبي، وتوزيع موسيقى ماهر الملاخ، ومن إنتاج شركة “جاما ميوزيك” للمنتج محمد جابر.

وجاءت كلمات الأغنية كالآتي:

كان نفسي اقول انه استحاله .. افضل كدة

كان نفسي مابقاش حالتي حالة .. بالشكل ده

كان نفسي اشوفني اكون عارفني والسنين طول السنين .. جايبة جديد

كان نفسي لما اعيش ماكنش عشت والسلام

كان نفسي افهم قبل ما ابقى كبرت ع العلام

كان نفسي لما اقول كلام ماتوهش فـ الكلام .. كان نفسي لما احكي عني اخش فـ المفيد

كان نفسي اكابر

كان نفسي اعافر

كان نفسي لما تيجي فرصة ابقى قادر

كان نفسي الاقي

نفس اتفاقي

واما اللي فات يضيع ابص ع اللي باقي

كان نفسي الاقي مكان فـ الحياة

متشالي فيه حد برتاح معاه

يفضل معايا فـ طريق ابتداه .. كان نفسي مابقاش وحيد

كان نفسي مرة يجي لقلبي نوم

من غير ما يبكي ويشكي ف هموم

كان نفسي انام ليلة والصبح اقوم .. ماسألش نفسي انت مين

كان نفسي ليلة

ماتجيش طويلة

كان نفسي انسى كلمة ما باليد حيلة

كان نفسي كوني

يخلف ظنوني

كان نفسي حاجة واحدة ماتبكيش عيوني

كان نفسي الاقي يوم اجابة .. للاسئلة

كان نفسي لما اتوه اقولي .. مش مشكلة

كان قلبي نفسه فـ الف حاجة بس انا قلبي ياريت .. كان بايدية

كان نفسي لما قلبي يوجعني تداريه العيون

كان نفسي افهم الحياة وماتوهش فـ الظنون

كان نفسي الاقي سكة سالكة ليا فين ما اكون

كان نفسي الاقي اي حد جنبي اسند عليه

والجدير بالذكر أن محمد الشرنوبي، قد روج للأغنية منذ فترة عبر مواقع التواصل الاجتماعي، حيث نشر البوستر الدعائي وأعلن عن تعاونه الأول مع شركة “جاما ميوزيك” للمنتج محمد جابر.