رؤية سبورت

عبد الرحمن سامح يؤكد خلال لقائه.. الاكتئاب سرطان السعادة ويدمر حياة الشخص

 

كتبت : نهى وجدي

 

 

قال عبد الرحمن سامح، بطل العالم في السباحة والذي توج بالميدالية الذهبية في اليونان، عن إصابته بالإكتئاب والذي وصفه بأنه سرطان السعادة، لأنه يحطم الإنسان نفسيًا ويقضي على حياته العملية

 

 

وتابع… : “الاكتئاب بيخليك تتخلي عن حلمك وكل حاجة ضحيت عشانها سنين، خاصًة إني متأهلتش للأولمبياد في أول مرة 2021، لأني قعدت أحاول فيها 6 مرات، والاكتئاب كان سبب في إني حاولت الانتحار”.

 

 

واستكمل السباح عبد الرحمن سامح، أثناء حواره لبرنامج “في الصالة”، مع الدكتور مهاب مجاهد، قائلًا: “الاكتئاب وصلني لأني أحس أن أمي مبتحبنيش ومش فخورة بيّا

 

 

 

أنا مش مثال كويس لأختي، عندي 23 سنة ولسه باخد مصروف مني أمي، وكله بدأ كاريره وانا لسه محصور في حتة إني سبّاح وعايزة اجيب سبونسرز، كل الحاجات دي بتستنزف منك ومش بتديك في ساعتها مش شايف بصيص من الامل في الحياة”.

 

 

واختتم: “التعافي من الاكتئاب حصل أول ما فوقت من فكرة محاولة انتحاري، وانا في آخر اللحظات، وانا كنت بدعي إني ربنا يخرجني من اللي انا فيه عشان اساعد الناس محدش يدخل في اللي انا فيه، لأن أكتر حاجة مرعبة في الحياة إنك تقابل الموت وجهًا لوجه، أدركت أن الرحلة فيها الحلو والوحش، وكل دا بمساعدة أمي واختي واطباء ودعم من المدربين وناس كتيرة منهم الصحاب”.

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا