فاتت جنبي

 محمد عبد العزيز رمضان

فاتت جنبي وضحكت

خطفت قلبي وعيوني

سرقتني بنظرة واحدة

والناس ليه بيلوموني

عاوزيني عنها أبعد

وعليها بيحسدوني

يا حكاية جوا قلبي

ودموعي بيسبقوني

شمس تنور حياتي

مرسومة وف جفوني

وقالولي مش حقيقة

يا خسارة بيخدعوني

صافية وحلوة ورقيقة

ورموشها بيسرقوني

مش ممكن عنك أبعد

يا حبيبتي أو تهوني

هوهبلك عمري كله

وهكونلك لو تكوني

بس اوعى تبيعي قلبي

أو تنسي أو تخوني

وتعالي أنا وأنت نحلم

نهزم خوفي وظنوني

يا سنين عدت عليا

ونجوم بيفكروني

إنك غالية وقريبة

مهما كتير يبعدوني

ومعاكي هعدي صعبي

مش ممكن يهزموني

أنت منايا ووعدي

منك ليه يحرموني