صاحبي

سلوي صبح

صاحبى الحقيقي بجد

ومش هزار

واضح

صريح

زي ضوء النهار..

في أصعب مواقفي

صاحبي كان دايمًا

بالنسبة لي

أول خيار..

صاحبي ملجأ لي ودار..

هو العمار

يوم الفرار

هو اللي كان

بالنسبة لي

أحلى انتصار..

من يوم عرفته

وهو دار

برتاح في شوفته ليل نهار..

صاحبي وحبيبي

مش بيحتاج إني أقدم له اعتذار..

هو فاهمني

مش بيحاسبني ع النفس

لما الدنيا تخنقني بروح له

أو يجيني

وبعترف له بكل سيئاتي ف حياتي

بير غويط مالوش قرار..

حبيته جدًا من قلبي طبعًا

مش عشان صادق وبس

مش عشان مخلص وبس

ولا عشان بوجعي بيحِس

ولا عشان أقرب قريب

ده النصيب إني أقابله

وأحبه جدًا باختيار ..