✍️ نورهان أشرف

كشف الداعية مصطفى حسني لجمهوره ومحبيه، تفاصيل برنامجه الجديد “نور”، والمقرر عرضه ابتداءً من الجمعة 1 سبتمبر على قناة ON، وذلك في تمام الساعة 7:00 مساءً.

ومن المفترض أن يحتوي مضمون البرنامج على حديثه عن سيرة سيدنا النبي صلى الله عليه وسلم، وعبر مصطفى حسني عن سعادته عن هذا المحتوى، وكتب على صفحته على موقع الفيسبوك: “كان حلم كبير أوي عليّ إن ربنا يكرمني ويسمح لي بالحديث عنك يا سيدنا محمد..”.

وتابع مصطفى حسني: “من سنين طويلة وأنا بتمنى اعمل برنامج عن قصة حياة حضرتك، احكيها واعبر عن كل الحب اللي اتعلمته في رحلتي، اللي شفته في عيون المحبين لك، وهم بيزوروك في مسجدك، وفي ألسنة اللي يعرفوك وهم بينتهزوا فرصة ويتكلموا عنك في كل مجالسهم، وفي دموع العاشقين لك لما سيرتك بتيجي قدامهم وما يعرفوش يمسكوا دموع الشوق والحب..”.

واستكمل حديثه: “سنين طويلة وأنا بسمع وأقرأ عنك وأدعي بقلبي إن في يوم أنقل كل اللي سمعته واتعلمته لأبناء جيلي…أنقله بطريقة تعلق القلوب بحبك وتُعرف العقول على جمال أفعالك… حضرتك طيب يا سيدنا محمد وحنين قوي ومتقن ومبادر وصبور وأتقى من عرف الله.. نفسي الناس كلها تشوفك كده..”.

وأضاف: “لكن يا سيدنا محمد اللي نفسه يوصل للناس في حكايتك، قد إيه أنت بتحبنا بصدق ورحمة، وقد إيه إحنا دايمًا على بالك، وأنت عايش في الدنيا وأنت في قبرك الشريف، ويوم القيامة لما نقابلك ونلاقيك واقف طول يوم القيامة تتكلم مع ربنا عننا، وتستسمحوا لكل واحد فينا وما تستريحش في بيتك في الجنة إلا وكلنا حواليك وفي حضنك.. نفسي كل الناس تعرف ده عنك.. نفسي الناس تشوف نورك…يا نور”.

ونشر مصطفى حسني الإعلان الرسمي لبرنامجه “نور”، عبر حسابه على فيسبوك، معلقًا عليه: “بكل كلمة وفعل في قصة حياة سيدنا النبي صلى الله عليه وسلم كان نور.. خلانا نشوف حقيقة ربنا.. حقيقة الدنيا والآخرة..حقيقة أنفسنا”.

ويذكر أن الداعية مصطفى حسني قدم خلال شهر رمضان 2023، برنامج “رميم”، وكان يعرض يوميًا على قناة ON، وكان يتحدث خلال هذا البرنامج عن الإنسان وكيفية التصرف في أمور حياته، وترميم الروح من الموقف الصعبة، التي تواجه الإنسان في حياته.