رؤية وابداع
أبكم أصم و الله عمرى ما اعترضت
هاني آدم
أنا إللي عمري ما اعترضت
و سامحت أكتر ما اتسامحت
على رزق أو على موت حبايب
أو مرض و لو اتجرحت
و الله عمرى ما اعترضت
دايمًا بقول تمن القبول
كتاف تشيل جبال حمول
و الجدعنه فى الصبر على مر الليالي
ميزان رجولتك مرحمة و رحمة لغوالي
على قد ما هتقدر تكون عزم و سند
على قد ما هتكون عملت
و الله عمري ما اعترضت
مستنيين إيه من صراخ أبكم أصم
مركون على الأيام يا عم
يتهد حيل المشتاقين حبة رضا
و تبل ريقها بأفئدة
كانوا كل ما تزيد الليالي فى السواد
بيقربولنا فى البعاد
و يحلوا مر الصبر فى نفوس الحيارى
ساكن مغارة و مستخبي من الأمل
فوق سطح عمارة
لا دعوتى لاقية الأيادي المرفوعين
و لا عارف أنزل تاني تحت
و الله عمري ما اعترضت
مراجع ومدقق لغوي:دعاء الزغبي
اقرأ أيضاً:
كل اللي بتمناه أنا
لست أنثي عنود
أمنيات صغيرة
إتبعنا
