حنان مطاوع لرؤية وطن … “أحمد عبدالعزيز شديد التميز وسره الباتع عمل رائع”
مادونا عادل عدلي
تألقت النجمة حنان مطاوع في رمضان 2023 بعمل من بطولتها وهو “وعود سخية” ومسلسل سره الباتع الذي يضم عدد كبير من النجوم المميزة
وتواصلت رؤية وطن مع النجمة حنان مطاوع لتتحدث عن مسلسلها سره الباتع والتي لاقت من خلاله نجاح كبير وكشفت الفنانة عن سر بكائها عندما امتطت الخيل في مسلسل “سره الباتع” حيث قالت…
“كنت بتناقش مع الأستاذ خالد يوسف، وبقوله حضرتك كاتب إني بكافح ضد المعتدي، فبقوله أنا مشفتش أي مشهد، قالي عايزه تعملي إيه، قولتله معرفش، أضرب في فرنساوي، أو أجري بالخيل، وأنا عمري ما ركبت خيل أنا أشوف الخيل، أجري
وقالت الفنانة “لقيتهم بعد كده بيقولولي عندك بروفا مع الخيل، قولتلهم أنا؟.. أنا ممكن أنط بالبراشوت لكن مش ممكن أركب خيل أبدا، فكلمته وقولتله حاضر يا أستاذ هروح، بعدين عرف إن عندي ديسك في ظهري، قالي خلاص ماتروحيش، هخلي دوبليرة هي اللي تعمل، لكن إنت هتركبيه قولتله هركبه أعمل إيه به، أنا مقدرش”
قالي إنتي هتركبي وتمشي، وبعد كده هخلي اللي تجري دوبليرة، فوافقت لأن أنا مش عايزه أعطل له أي شغل.
وتابعت: “وإحنا بنمثل ركبوني على الخيل، أنا ركبت من هنا وعياط عياط، مساعد المخرج مكنش عارف يعمل إيه، قولتلهم محدش يقول لأستاذ خالد يوسف حاجة، ييجي المشهد أمسح الدموع وأعمل الجملتين بتوعي، ويخلص المشهد، أفضل أعيط لأني مش مصدقة إني راكبة على حصان”
“في الآخر سألني الأستاذ إنتي بتعيطي؟، قولتله أنا مقدرش أركب أي كائن حصان أو جمل أو حمار لأني بخاف”
وأضافت الفنانة “أنا سعيدة بمشاركتي في مسلسل سره الباتع وأحمد عبد العزيز قدم دور شديد التميز والاختلاف، مضيفة: سعيدة بالمشاركة في هذا العمل الضخم”
