“الأعمال لازم تستفزك”… يسرا اللوزي لحبر سري

 

كتبت مادونا عادل عدلي

 

تحدثت الفنانة يسرا اللوزي عن بعض الأمور والأراء في حياتها الشخصية، كما تحدثت عن المخرج يوسف شاهين، وذلك خلال لقائها في برنامج حبر سري والتي تقدمه الإعلامية أسما إبراهيم.

 

وقالت يسرا اللوزي:  الأعمال لازم يبقى فيها حاجة تستفزك ويناقش قضايا مهمة، وأنا ضد أن الفن يحل مشاكل هو بيخليك تفكر وتشوف اللي حواليك حيث تابعت: لو اتعرض عليا عمل بيناقش أفكار جريئة هوافق عليه طبعًا ومش هرفض.

 

وكشفت يسرا اللوزي: السنة اللي فاتت كنت برفض اي شغل عشان وفاة والدي وكريم كلمني وقالي على المسلسل وانا رفضت عشان كنت مكتئبة ومعرفش كان انهي دور والوقت ده مكنتش اعرف المسلسل عن ايه.

 

أما عن تغيبها خلال فترات قالت يسرا: أنا  مش بغيب على الجمهور، وحتى وأنا حامل كنت بصور ومش ببتعد عن الفن بس أنا مش بحب الأضواء وولادي أولى وهما ليهم حق لانهم محتاجني وانا محتجاهم وبقسم وقتي بين الاتنين.

 

كما تحدثت عن تعاونها مع المخرج يوسف شاهين في بدايتها الفنية وقالت: من اكتر التجارب اللي بحبها يوسف شاهين وبحبه جدا ومفتقداه وعمري ما حسيت برهبة من يوسف شاهين وهو بيعرف يتعامل مع اي حد واتعلمت منه الألتزام.

 

 حيث تحدثت يسرا اللوزي عن سبب ارتدائها اللون الأبيض في عزاء والدها وقالت: مش غلط إني ألبس أبيض في العزا وأنا والدتي سورية والشام مش بيلسبوا أسود لازم يكسروه بالأبيض واللون الأبيض مريح أكتر في الوقت ده  وبيهدي الأعصاب.

 

كما كشفت يسرا عن سبب ذهابها لطبيب نفسي وقالت: أنا روحت لدكتور نفسي بس مش عشان وزني زاد لكن روحت بسبب إني مكنش عندي طاقة  ومش بيبقى ليا نفس وروحي بتموت وأوضحت يسرا الوزي: الناس فاكرة أن الممثلين مرفهين وحياتنا سهلة لكن احنا عندنا مسئوليات وبلاوي في حياتنا.

 

وتشارك الفنانة يسرا اللوزي في السباق الرمضاني الحالي من خلال مسلسل جميلة، وهو  دراما اجتماعية من بطولة الفنانة ريهام حجاج، سوسن بدر، هاني عادل، عبير صبري، أحمد وفيق، يسرا اللوزي، المسلسل تأليف أيمن سلامة و إخراج سامح عبد العزيز و من إنتاج جمال العدل وتشارك الفنانة في مسلسل المداح أسطورة المداح بطولة النجم حمادة هلال