يا حبيبتي يا أمي راجع
محمد عبد العزيز رمضان
يا حبيبتي يا أمي راجع
بالشوق ويايا الحنين
هشكي كل المواجع
بعدك أنا أروح لمين
نفسي تضميني يا اما
من تاني ضمتين
يا ما جمعتْنا لمة
تاهت ألقاها فين
يا حبيبتي يا أمي راجع
من غيرك مش هعيش
حبك يا حبيبتي عندي
عايش ما بينتهيش
وقريبة مني يا اما
أنا نفسي ما تبعديش
وسألت عليكي يا اما
طب ليه ما بتسأليش
لو هنت عليكي عمرك
ياحبيبتي ما بتهونيش
يا حبيبتي يا أمي راجع
أنا من غيرك سراب
لو كل الدنيا باعت
هفتحلك ألف باب
ورضاكي يا أمي جنة
غضبك هو العذاب
ببعتلك كل لحظة
من قلبي ميت جواب
أنا نفسي تجيني تاني
من بعد طول غياب
يا حبيبتي يا أمي راجع
رغم البعد الطويل
حبك محفور في قلبي
لو هوصف مش قليل
من غيرك كنت تايه
بلقى معاكي السبيل
وما فيش زيك يا أمي
ولا ليكي كمان مثيل
حبك مرسوم بدمي
نفسي أرد الجميل
خايف أبعد يا أمي
وأنتِ هوايا العليل
لو كل الدنيا مالت
وياكي مش هميل
ضاعت كل الأماكن
وأنتِ ليا الدليل
حبك في القلب ساكن
وما فيش غيرك بديل
مراجع لغوي:دعاء الزغبي
