رؤية وابداع

نبدل الأدوار

هاني آدم

ما تيجو نبدل الأدوار و لو ساعة عشان نفهم

و نتصور مشاعر الناس حسب ترتيب الجملة

بدل فاعل تكون مفعول

بدل جاني تكون مظلوم

بدل مجروح تكون جارح

بدل محبوس تكون سجان

 

و مين عالم ما يمكن لما نستبد فى أسامينا

و أولادنا و أهالينا

نلاقي حل للفزورة و نفسر معادلتها

فى بيتها قصيدتى بكر مضفرة الأشعار

و طار من عينها نومها عشان عيال أيتام

 

يمام غزل السلام أحلام

فى أرض احتلها ولادها

معادها الثورة لسه ما جاش

أنا يا دوب حلم بيجهز

هدوم العيد فى ليل رمضان

لا عارف أتوضى و لا حافظ

من القرآن

 

حاجة تكفيني فى الغربة

و تكسر عطشي بعد ما نشفوا ريقي

طريقي مبهم ملآن سكاكين

زنازين عشق للعشاق

و ترسانة فراق للمشتاقين ضمة

يا غمة فرشتى كحلك فوق شموس روحي

و بوحي معدش قادر بوح

تروح الفكرة و تعسكر مكانها جروح

و رغبة فى لعبة الأقدار

ما تيجو نبدل الأدوار

أنا كشاعر هقص لساني

و استكانوا يالقراء

تقولوا إحساسى زى ما ياما

جدفت بمراكبكم

و بكرة هاروح لدكتور صاحبي

و ألبس أحلى سماعة

أشوف ماله و إيه واجعه

دوايا أكيد هيلبقله

مجرد شقلبة صورة

هتخلق فى العقول أفكار

تحرك صمت ناس إتعودوا و ملوا

و تخلق حالة من إبداع

تدق الزار

تكز نهار

ما تيجو نبدل الأدوار

مراجع لغوي:دعاء الزغبي

اقرأ أيضاً: 

موج القمر

ضيفيات

وقف الرسول

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا