رؤية وابداع
ريق الشاعر ناشف بطلنا شعر خلاص
هاني آدم
بطلنا شعر خلاص
ريق الشاعر ناشف
أنا من زمان قولتها
و من زمان عارف
هيجيلى وقت و أمل
و الشعر مدده يقل
عشان اللي كان قادر
دلوقتي مش قادر
و اللي كان موجود
دلوقتي مش موجود
و اللي كان بيحس
دلوقتي إحساسه مات
فات ع الوجع مرة
و على الفراق مرات
حفظت ملامحه الحزن
و التوهة و الغربة
مستسهلة الصعبة
و مستهبلة الأفراح
براح الآهات حضنه
بيساع غاوى التواشيح
و ضريح كلام الشعر
مقام طوافه حرام
يا موزعين الكلام
على اللي ساكتين سنين
و مقربين اللقا
لوحيد و مستني
لحظة فراق الجسد
لروح تعبها البوح
هانت خلاص هتروح
لمنتهى الإخلاص
اقرأ أيضاً:
لكل راجل دق بابها
أنا بحبك
سجين
إتبعنا
