رؤية وابداع

ويأتي الماضي بمفرده

 محمد عبد العزيز رمضان

وتعال أنا وأنت نرجع

ونعيد كل اللي فات

نرسم بإيدينا ضحكة

تاهت بين الآهات

ونعيش أنا وأنت فرحة

تحيي كل اللي مات

مهما هتبعد يا عمري

ففي قلبي ليك حاجات

بتقول إنك حبيبي

وبيقتلني السكات

وتعال أنا وأنت نرجع

بكفاية عليك بعاد

نوصل كل اللي بينا

نوصل حبل الوداد

حبك غير حياتي

وصبح هو الفؤاد

وتعال أنا وأنت نرجع

فاكر كل الوعود

إنك هتكون معايا

ونجوم الليل شهود

بس أنت طلعت خاين

كدبك ملهوش حدود

وعليك أنا كنت هاين

وما ليش عندك وجود

وتعال أنا وأنت نرجع

طب ليه تبعد بعيد

من غيرك ببقى تايه

خايف والخوف شديد

نرجع من تاني نحلم

بكرا هيجمعنا عيد

نبني بيتنا بإيدينا

وشموعنا فيه تقيد

تلقى الفرح في عنينا

باين وبلون جديد

إياك تبعد يا قلبي

وتسبني كمان وحيد

مراجع لغوي:دعاء الزغبي

اقرأ أيضاً: 

سنين اليأس

خواطر عاشق

نهاية المطاف

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا