الجزء الخامس من رواية(لم تكن وهمًا)
دعاء الزغبي
ياحور الحكاية واضحة وانتِ مركزة أهو ماشاء الله وحطيتي إيدك على حاجات كتير انا سعيد جدًا إن حبيبتي بالذكاء ده.
-زياد أنا بدأت أخاف بجد هو في إيه؟؟؟!!!!
-تخافي وإنتِ معايا أنا ههههههه
-ممكن أعرف إيه بكلامي يضحك أوي كده؟؟؟!!!!
-لأني فعلًا شايف الخوف في عنيكي والدهشة مالية وشك.
-إنت فعلًا غريب يعني بتتكلم عن خوفي وقلقي بمنتهى السخرية كده المفروض دايمًا أحس معاك بالأمان مش الخوف وكمان بتضحك وتسخر من مشاعري أنا لازم أمشي طالما وصل الأمر للاستهانة بمشاعري.
-ههههههه والله مش قادر أبطل ضحك
-بسرعة قررت حور تمشي وبغضب شديد قالت:دي آخر مرة تشوفني واضح كنت فهماك غلط.
(يدوب حور خلاص فعلًا أخدت شنطتها ولسه هتتحرك زياد مسك إيدها بقوة وقالها)
-انتي دايمًا كده متسرعة في حكمك عليا اه عارف انك مضايقة من ضحكي المستمر عارف كل ده.
-عارف وسايبني كده لاء وكمان مستمر بضحكك
-ههههههه هههههههه
-ايه ده لا والله ده مفيش فايدة لوسمحت سيب إيدي انا همشي
-اصبري بس ياااااه إنتِ والله ماتعرفي سبب ضحكي .ياحبيبة عمري إزاي تفكري إني ممكن أسخر من مشاعرك إزاي؟ياحور لازم تكوني واثقة بمكانتك جوايا وإنه العالم كله بكفة وإنتي بكفة إنتي بأهم مكان حبيبتي إنتِ بقلبي أنا بقلب زياد حبيبك إزاي ناسية ده.لكن أنا بضحك لأنك بتقولي إنك خايفة وده مينفعش وأنا حبيبك أنا تحديدًا
-ليه يعني مين إنت؟قول بقى أنا فعلًا خايفة منك.
-خوفك بمحله وده الطبيعي إن أي حد لو عرف حقيقتي هيخاف طبعًا لكن إلا إنتِ .
-وليه الناس لازم تخاف لما تعرف حقيقتك؟زياد إنت مافيا؟قتال قتلة؟تاجر مخدرات؟ إنت مين قول بقا غلبتني (حور انهارت بالعياط والدموع بصوت عالي وزياد ارتبك جدًا وبسرعة احتضنها بقوة وقالها)
لاياحبيبتي لا مقدرش إنك تبكي بسببي أبدًا أبدًا
-طيب ليه كده ليه مش صريح
-خايف من رد فعلك لو عرفتي حقيقتي خايف أخسرك خايف والله ياحور لأني مقدرش أعيش من غيرك لكن مفيش فايدة لازم تعرفي الحقيقة لأني لو مقولتش هيفضل عندك علامات استفهام كتير وكمان عشان يكون في حل عشان نعيش مع بعض لآخر العمر.
-هو في إيه بجد ؟ماتقول بقا
-حاضر هقولك بس اوعديني إنك مش هتتغيري أبدًا
-ياعم أبوس إيدك انطق إيه يعني هتكون عفريت ؟؟؟؟!!!!!!!
-أيوا دي الحقيقة فعلًا
-حقيقة إيه ماتبطل هزار وتتكلم جد على فكرة مش وقت هزارك ده يازياد مش وقته خالص.
-والله ماهزار ده جد الجد أنا مش بني آدم ياحور أنا مش إنسان زيك
-(في ذهول ورعب)بتقول إيه يازياد إيه الهبل ال بتقوله ده(وبسرعة بتبعد في خوف شديد وعياط)
-لالا ياحور عشان خاطري متبعديش كده عني وتخافي أنا زياد حبيبك وهفضل كده بس بلاش تحسسيني إنك خايفة مني الله يخليكي عشان أعرف أحكيلك.
أنا يا حور الأمير كروان بن الملك شمهورش ملك الجن الأحمر بس اهدي حبيبتي عشان أعرف أكمل.
-حور بصوت خافت ياخبر إيه ال بتقوله ده ؟كروان مين و شمهورش مين دول إزاي مش قادرة أفهم !!!!طيب كمل وعرفني إزاي عامل إنسان كده وإشمعنى أنا ال اختارتني وليه مش ترتبط بعفريتة زيك أنا مش فاهمه؟
-أنا مش عفريت ياحور أنا كروان جني من الجن مش عفريت
-هههههه كمان اسمك كروان مش زياد وإيه كمان وبعدين والدك اسمه مكعبل كده ليه ههههه
-شوفتي مين ال بيسخر من التاني؟
-أبدًا والله بس مش عارفه أستوعب كل ده وصراحة الأسماء بتاعتكم غريبةلاء أنا بحب زياد إيه كروان ده لاء مش هقولك إلا زياد.
-حبيبتي إنتي قولي ال تحبيه أنا كلي ملكك والله ناديني بالاسم ال تحبيه أنا حبيت اسم زياد عشانك واخترته عشانك عارف إنك بتحبي الاسم ده
(زياد سعيد جدًا إن حور بدأت تستوعب وأكيد مش هتسيبه عشان حقيقته)
-احكيلي عنك وعن حياتكم وإزاي إنت كده شكلك زينا وبتتعامل وتتصرف زينا؟
-هحكيلك كل شيء وهخدك كمان معايا أوريكي كل شيء على الطبيعة.
-تخدني عالم الجن بتاعك؟
-إذا معندكيش مانع وكمان عشان تشوفي العالم بتاعي.
لكن هحكيلك عني أنا زي ماقولتلك الأمير كروان ووالدي ملك الجن الأحمر إحنا من الجن الضوئي وده جن مسلم وموحد بالله زيك ياحور وإحنا أنواع كتير وقبائل كتير ومننا زي ماقولتلك الجن الضوئي والقمري والمائي والترابي والناري وإحنا مخلوقين من نار وفينا كل الديانات وفي الشياطين وإحنا كجن مسلم في حروب مستمرة مع الشياطين.
أنا عندي٣٢٠سنة وانا ال هكون ملك بعد والدي ومحبوب جدًا من كل أهلي وأصحابي لأني دايمًا بنتصر في الحروب مع الشياطين.أنا أعرفك من سنين كنت زهقان يومها من العالم بتاعنا فقولت لأختي مرمر تعالي نروح الأرض نتفسح ونغير جو وفعلا إنتي يومها كنتِ بتبكي وإنتي على البحر كنتِ في ثانوي وكنتِ تقريبًا اختلفتِ في النقاش مع مامتك وزعلت أنا ومرمر عشانك وكملنا يومناورجعنا تاني العالم بتاعنا.لكن دماغي كانت مشغولة بيكِ ومش بتبطل تفكير فيكِ فقررت أطلع أشوفك بصيت من ورا الشباك عليكي الجو كان حر وكنتِ فاتحة الشباك ونايمة دخلت وقعدت جنبك أتأمل ملامحك وحاسس إنك حزينة دايمًا كل ده وإنتِ مش حاسة وبعد كده اتعودت أزورك كتير لحد مابقى بشكل يومي أشاركك كل شيء فرحك وحزنك وعرفت كل أصحابك وأهلك ولحد مااتخطبتِ كنت مقهور ومش قادر أعمل شيء من ناحية إنتِ إزاي هعرفك نفسي وهتتقبلي ولا لاء ومابين أهلي لما عرفوا ورفضواالارتباط بيكي عشان قوانينا بتمنع ده وغضب والدي مني لمجرد التفكير في بشرية.
-بقيت محتار لأني مش قادر أعمل شيء وخلاص هتروحي مني لأنك كنتِ هتتجوزي وحددتي معاد فرحك وكنتِ يومها في منتهى الحزن خاصة إني كنت براقب زوجك وعارف إنه مش كويس وإنك كنتِ تستحقي الأفضل وإنه مخبي حقيقته البشعة عليكي وعلى أهلك وكنت متأكد إنك عمرك ماهتكوني سعيدة بس مكونتش قادر أنقذك فكرت أخطفك بس خوفت عليكي من الصدمة يجرالك حاجة وكمان مقدرتش أقنع أهلي.
استسلمت للأمر الواقع وقررت أفضل أحبك من بعيد لبعيد ومن غير ماتعرفي ورضيت بنصيبي رغم أمي كانت مصممة أتجوز وكل شوية توريني أميرات في منتهى الروعة والجمال بس كنت برفض.
-اه شكلهم جميل بقى وكده وأكيد عجبوك صح؟
-ههههههههه
-بتضحك أيوا طبعًا أميرات وشكلهم يجنن وكلهم يتمنوا توافق ترتبط بيهم طبعًا لازم تكون مبسوط مش كده بردو؟؟؟!!!!!
-وده مصايقك ولا إيه؟
-لاء طبعًا وهضايق ليه أن شاء الله؟(حور هتموت من الغيظ وباين جدًا على ملامحها)
-ههههههه الله عليكِ بجد
-بردو بتضحك يابني هو في إيه بتنبسط وأنا زعلانة؟
-مقدرش والله إلا زعل حبيبتي بس أنا مبسوط أوي وأنا شايف الغيرة مسيطرة عليكِ وإنتِ بتحاولي تداري بس مفيش فايدة باين عليكِ وده بيطمني أنك مش هتتغيري حبيبتي .
أنا ياحور عمري ماعرفت معني الحب الحقيقي إلا لما عرفتك رغم العذاب والألم ال شوفته بسبب حبي ليكي لكن عذاب حلو لذيذ عارفة لما تبقي حابة عذابك وألمك أنا كده راضي بحبك رغم عذابه وألمه .
-حبك ليا عذاب كده بردو!
-قمة العذاب طبعًا
-إزاي ده؟
-لما أكون بحبك الحب ده كله وإنتِ مش معايا ولا ليا لكن مع غيري يبقى عذاب ولا لاء؟
لما ألاقيكي بتضحكي معاه وبتخرجي وبتقوليله الكلام ال مفروض أنا ال أسمعه يبقى عذاب ولا لاء؟
أنا اتعذبت كتير ووالدي حكم عليا بالسجن بسبب رفضي الجواز من جنية واتسجنت ولما منعت الأكل وكنت خلاص بموت خرجني واتأكد ان مفيش سلطان على القلوب فاستسلم لرغبتي لكن كان فات الأوان وكنتِ خلاص اتجوزتي.
دايمًا كنت لما بشوفك سعيدة بفرح رغم عارف إنه بيكدب عليكِ بس كنت حاسس إنك مش هتكملي معاه لأن ساءت معاملته معاكِ وبدأ يجي على كرامتك وعارفك ياحبيبتي كرامتك وكيانك أغلى شيء عندك فكنت متأكد إن النهاية بينكم سريعة.
-فعلًا لما اكتشفت حقيقته من كذب وخيانة وغدر وكمان سوء معاملة وإهانة قررت أنهي حياتي معاه بعد صدمتي فيه .للأسف كنت مصدقاه بس كله طلع كذب بالآخر.
-عارف وحاسس بيكِ حبيبتي عشان خاطري بلاش دموعك دي فترة وعدت خلاص عاوزك تنسي كل ال فات كأنه لم يكن اقطعي الصفحة دي من حياتك خلينا نحتفظ بالجميل بس في حياتنا ال هتبتدي بوجودنا مع بعض
ياااااه والله ماقادر أصدق إنك معايا معقول ده ياااااه ياعمري لو تعرفي أنا كنت بحلم باللحظة دي أدإيه وكمان إنك تبادليني نفس الشعور وميتغيرش حتى بعد ماعرفتي حقيقتي والله طاير من الفرحة قلبي بيرقص . الحمدلله كنت مرعوب من رد فعلك لكن ربنا عالم إن مقدرش أتخيل الحياة من غيرك ياحبيبتي.
-إيه الغرور ده؟مين بقى قالك إني لازلت على شعوري هو في حد عاقل يحب جني وكمان يعيش معاه العمر كله؟؟؟!!!!!
-(زياد فى ذهول ممزوج بالخوف)يعني إيه ياحور هتسيبيني معقول؟
-أكيد أومال إنت متصور إيه هرتبط بيك وأعيش بقا معاك بالعالم بتاعك
هو عشان يعني إنت وسيم وعيونك بتسحر وضحكتك جذابة وكلامك يجنن هعيش معاك تحت الأرض لكن عادي أنا ممكن أرفض عادي يعني
-حقك طبعًا أنا يظهر حلمت بأكتر من المسموح ليا.
-زياد إنت صدقت إزاي إنت لو إنسان أوعفريت أو جني زي ماتكون بحبك وعمري ماهحب غيرك العمر كله ياحبيبي
أنا مليش غيرك وعمري ماحسيت بالأمان إلا معاك إنت وبس ومستعدة أعيش معاك في أي مكان على الأرض بقا ولاتحتها ولافارق المهم أكون معاك.
-زياد احتضن حور وقالها عمرك ماهتندمي إنك معايا حبيبتي بالعكس كل همي هيكون إزاي أخليكي دايمًا سعيدة والابتسامة ماتفارقك أبدًا أبدًا.
-يااااااه
-في إيه ياقلبي أنا قولت حاجة غلط؟؟!!
-لاء خالص بس احنا مش واخدين بالنا أنا اتأخرت وأمي وأختي أكيد قلقانين عليا.
-طيب يلا بينا ولو إني مش قادر أسيبك والله بس غصب عني الأمر لله.
على فكرة أنا يمكن أغيب عنك كام يوم فبلاش تقلقي لأن في حروب هتقوم مع مجموعة من الشياطين بيهددوا حدودنا وطبعًا أنا الأمير وأنا ال هجهز وأنظم الجيش ال هيحاربهم.
-مقدرش يعدي يوم من غيرك
-معلش ياحبيبتي أنا بعمل ده علشان استقرار دولتنا واستقرارنا احنا كمان بس أوعدك هحاول أشوفك وأطمنك عليا
-مليش فيه كل يوم لازم أشوفك وحياتي عندك عشان خاطري
-عيوني ليكي حبيبتي حاضر ياروحي.
وصلت حور وطلعت بيتها وبعد مناقشات مع مامتها على تأخيرها دخلت أوضتها واستلقت على سريرها وكانت بتفكر في كل ال عرفته عن زياد وإنها متخوفة طبعًا من كل ده بس كل ال يهمها هو زياد ووجوده بحياتها وابتسمت وفجأة نامت ومحستش إلا الصبح وإياد بيصحيها
-اصحي ياخالتو هتتأخري على شغلك إصحي بقا
-لاء ياحبيبي مش هروح النهارده مش قادرة عاوزة أنام
-وبعدمامشى إياد حاولت تنام لكن معرفتش قلقت وافتكرت زياد وكلامه تاني وزعلت إنها مش هتشوفه زي الأول ووهي مستلقية على ضهرها وإيدها تحت راسها وكانت بتفكر في زياد فجأة لقت زياد طالع من مراية السراحة لكن مين ال معاه ؟أول مرة يجي ومعاه حد.إيه ده ياترى مين دي ؟وإزاي طلعوا من السراحة؟؟؟!!!!!ا
الجزء الخامس من رواية(لم تكن وهمًا)
إلي اللقاء في الجزء السادس
