رؤية وابداع
هنا القاهرة
محمد عبد العزيز رمضان
لو هقول عنك يامصر
راح هقول عنك كتير
أنت نبض جوا قلبي
أنت نبع حنان كبير
أنت شمعة لكل تايه
أنت للمظلوم نصير
أنت نيلك جوا دمي
أنت للعالم ضمير
أنت أزهر كان هداية
وقت ما العالم ضرير
لو هقول عنك يامصر
أنت قلبي والعيون
أنت كل حاجة حلوة
عمري من غيرك ما أكون
أنت علمتيني أحلم
عمري ما أبعد أو أخون
ليه يا مصر بيظلموكي
وأنت حد كمان حنون
لو حقيقي هيعرفوكي
مش هيرموكي بظنون
أنت علمتينا نبني
منذ آلاف السنين
مهما نقسي عليك عارف
إننا مش راح نهون
لو هقول عنك يامصر
مش هيكفيني الكلام
أنت نجمة في العلالي
نورت وقت الضلام
أنت علمتينا نصفح
ننشر الخير والسلام
لو هقول عنك يا مصر
هفتكر يوم العبور
عدو رغم الموت بقوة
دمروا كل الجسور
كان شعارهم مش هنرجع
احنا بركان راح يفور
راح نحرر كل رملة
مش هينفعهم غرور
لو هترجع مرة تانية
مش هتلقي غير قبور
مصر فيها جيش حقيقي
لا أسود وكمان ونسور
إقرأ أيضاً:
الخوف
قد خان
حينَ أراكِ
إتبعنا
