حل الخريف

35

عادل زوين

ساعة غروب الشمس عز خريف

والهمهمات تخاريف

وغراب بينبش في الاراضي البور

وشعور بخنقة مخيف

الاعتياد ع النور

كان غلطه م الأول

أصل الفصول بتدور

وكمان بتتحول

والحق دايما يشوبه

كل حين تزييف

فاشرب كاسات المر

ومن العسل نقطة

وقت الحلاوة يمر

وتفهم الغلطة

وتفوق من التخريف

وإن كان قديمك خطأ

ومفيش جبل اتنطق

فأنت لسة بخير

ولا كنت مرة ضعيف

ورق الخريف لزوال

وفي الربيع أبْدَال

وتتعدِل لأحوال

أصل الصفار ده سخيف

والشمس بكرة تهل

ورد الربيع هيطل

فرح القلوب للكل

حاول تعيشها خفيف

وإن مت موت على طول

واقف كما الأشجار

واوعاك في لحظة تقول

كان ليَّ لسه عَمَار

الموت ختامها طريف

إقرأ أيضاً:

إنسان يحاول

نون النسوة

حياة من ورق

 

قد يعجبك ايضآ