أخبار الفن

أحمد فؤاد: خطة كيوبيد عمل يناقش الحب من منظور مختلف ومركب

كتب : محمد طه
ميار إبراهيم

 

ما معني كلمة خطة كيوبيد ؟
كيوبيد معناه رمز للحب كلنا برضو عارفين شكل الجامعي الخاص بكيوبيد وهو الطفل الصغير اللي يقدر يصيب اي شخص بالحب مباشرة ودة كان سبب عشان يبقي موجود في خطة كيوبيد

الهدف من العمل المسرحي؟

بنتكلم بشكل إجتماعي عن فكرة الحب يمكن تم تناقشها كتير جدا في المجتمع بشكل أو بآخر لكن احنا في العمل المسرحي خطة كيوبيد بنتناول قصة الحب بشكل مختلف وان الشخص رمز الحب يبدأ يتوقف عن عمله في نشر الحب بين الأفراد تمر الأيام وبنته تتخطب لأبن اخيه ويحصل ما بينهم مشاكل

فيضطر يرجع للشغل تاني عشان يقدر يحل مشاكلهم الشخصية من خلال مجموعة من الأختبارات في شكل كوميدي جدا بيرجعنا لمفهوم الحب ودة الهدف الأساسي للمسرحية مش بس بشكل عاطفي لكن شكل عام مثل المسؤلية وغيرها من الأشكال الكثيرة من أشكال الحب بنقدمها للناس في شكل كوميدي

رد فعل الجمهور بعد الانتهاء من العرض المسرحي؟

الحمد لله بقالنا بنعرض حوالي (15) ليلة عرض العدد مكتمل بشكل نهائي جمهور موجود طول الوقت رد فعل نقدي وفني بيكون كويس وعاليا جدا وبنقدمله حاجة قريبة منه وبنقدمله فكرة شويه جديدة بشكل كوميدي والجمهور متذوق جدا وحاسس أن تركيبة دي قريبة من روحهم أوي

 

هل كان في تحدي من عرض مسرحية خطة كيوبيد في قاعة يوسف إدريس المغلقة منذ فترة طويلة؟

دة نوع من أنواع التحدي اللي كان سبب نشتغل في القاعه تم الاتفاق مع مدير المسرح الفنان محسن منصور كيفية إعادة الروح والجمال للقاعة ورونقها مرة اخري كان لازم نبدأ بعمل جماهيري قوي في روح القاعة ويبقي في إقبال جماهيري في كل الأعمال والقاعه راجعه بشكل جديد

 

هل في شروط من أجل إعادة فرقة المسرح الحديث؟

فرقة المسرح الحديث كان ليها طابع وتيم معين مكنتش شروط قاعدنا فترة نقدم عرض اي ونفكر في كدة كويس عرض مناسب للمسرح الحديث يكون ليه طابع جماهيري فوصلنا الحمد لله لخطة كيوبيد التي لاقت إقبال جماهيري

مقايسس نجاح العمل لحضرتك ايه.؟

مقايسس نجاح العمل تختلف من شكل لآخر بس انا من رأيي لما تكون بتعمل عمل في روح وقضية كويسه دي ينجح العمل والتركبية قاصدين فيها تبقي بشكل كوميدي في فكرة عميقة شوية بروح المشاهد اتمني يكون العمل يوصل رسائل للجمهور يكونوا فيه للأفضل بحيث يكون خارج برساله معينه

المخرج بيعتمد علي مجموعة من الأدوات منها الفكرة وفريق العمل فما هي أسس اختيار فريق العمل. ؟

دي تاني اطول مرحلة بعد الفكرة وهي مرحلة إختيار الفنانين لتنفيذ العمل بشكل كويس إحنا بنعمل عرض كوميدي لكن بنختار الفنانين والفنانات اللي قادرين يكونوا يقدموا اكتر من شكل ويفوقوا أيضا الشكل الكوميدي فاختارنا الفنان عبد المنعم رياض كريم الحسيني أمنية حسن ونوال سمير

الأربعة ميتصنفوش فقط ممثلين كوميديين لكن يتصنفوا ممثلين من العيار الثقيل لانهم بيقدموا حاجات مختلفة ومتنوعة منها الغناء والأداء الحركي فبنستغل كل حاجة قادرين يعملوها في انها تبقي موجودة في العمل المسرحي خطة كيوبيد

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا