بين الكتابة و الألم شعرة بيضا

#الحتة_دى_كان_اسمها_الجنة.

 

يا شعرة بيضا مطلعة لسانها
انا اللي صابغ
مش الزمن خالص
أنا اللي هادد
مش الزمن هدني
وأنا اللي خلصت
الكتاب كله
لفيتها شرق وغرب
منحنيات
ومستقيم يا سليم
بقلب نضيف
تعريف وجودي
في كل وقت أدان
ياما كان هنا بيصرخ
بعلو الصوت
تجبر حروفه الميتين
ينطقوا
ويطلقوا
العبودية بتلاتة
يا شعرة بيضا بعند
و غتاتة
أنا اللي صابغ
مش الزمن خالص
يا متبتين
في العمر والأيام
تمام وجوب الحلم
تحقيقه
أو سكة صح
سلكها سهم الجدع
سواء وصل
أو مات على القبلة
القبلة فيها
طعم الحنين فواح
من كام سنة
يا لساني مش ناسي
كراسي دفتر
ذنب بيواسي
خد الجميل
من كل وجع الفراق
مشتاق ومد
إيديه لبعد الحياة
وصلت بشوقه
لحتة تانية بعيد
فيها اللى مش حالا
متاح مسموح
بوح فيها زي
ما تقدر اتمنى
الحتهطة دى
كان اسمها الجنة

 

#هانى_ٱدم
مراجعة لغوية: رويدا أحمد.

 

إقرأ أيضاً:

إني أحبك

حين نلتقي

ضيفيات