أخبار الفن

ياسمين صبري.. “نفسي اعمل براند ميك أب بتاعي” 

كتبت: أميرة محمد 

 

حلت الفنانة ياسمين صبري ضيفة مع الإعلامية إسعاد يونس، ، في برنامج “صاحبة السعادة”، المذاع عبر قناة “dmc”.

حيث أثار حديث الفنانة ياسمين صبري، أثناء استضافتها في برنامج “صاحبة السعادة”، حول الاكتئاب، والشائعات التي راودتها وكان ردها صادم، مما جعل حديثها تريند السوشيال ميديا، خاصة على موقع التواصل الإجتماعي “فيسبوك”.

ومن أهم تصريحات ياسمين صبري، التي اعتلت بسببها صدارة التريند :

حيث علقت ياسمين صبري، :”مش حاسة إنى عندى ندم ولا آسفة على حاجة وواخده الجانب الإيجابى فى كل حاجة”.

 

وتابعت :”والفترة اللى جاية نفسى أكون أحسن وساعات أسأل نفسى إيه رسالتى فى الحياة ولغاية النهارده بدور على الموضوع ده وبحس انه طريق ملوش نهاية”.

 

وأكملت ياسمين:”نفسى أعمل براند ميك أب بتاعى واحط في كل مشاكلى لأن أنا بنت بتعامل مع الكاميرا وعارفة يعنى إيه كاميرا أو إضاءة ويعنى إيه بشرة بتتعب”.

 

وأضافت:”واحنا بنروح معمل لأن المكياج بيتعمل في معامل مش مصانع، وبقوله انا عاوزة البراند بتاعى من النبات ويكون مرطب للشفايف مثلا، او عاوزة حاجة اورجانيك ميكونش فيه كيماويات”.

وأكملت حديثها عن تعرضها لفترة من الاكتئاب بسبب ملحق في الحاسب:”أكتر وقت حسيت بالاكتئاب لما جبت ملحق فى مادة الحساب فى الثانوية العامة”.

وأضافت:” خبيت على أهلي وقلت لهم إني نجحت، ووقتها بقى عرفت أن عندى اكتئاب لما كنت بصحى وأقول أنا ليه صحيت على الواقع ده اللى هو أنى أجيب ملحق يعنى “.

 

وتابعت حديثها عن علاقتها بالحب والوحدة قائلة: “أنا شخصية منغلقة بس مش بشعر بالوحدة ومش بتكلم على أموري الشخصية، والسعادة بتتحقق من حبيب وعيلة، والحب جميل أوى، الحب الصح من الشخص الصح”.

 

وتابعت كلامها حول الشائعات التي راودت السوشيال ميديا: “من وقت ما اشتهرت واتعلمت من بدرى أن الناس مهتمة بأمورك وهتفضل دايما مادة للشائعات”.

 

واكملت: وأنا متقبلة ده من بدرى جدا، ومتعودة عليه”.

 

وأضافت ياسمين:” فى ناس بتحب تبقى شاغلة الناس، ولكن أنا شخصية عندي اكتفاء من جوايا وإن مش بدور أنى أشغل الناس وهى حاجة من عند ربنا”.

 

واختتمت حديثها حول الفنان محمود عبد العزيز، وعلاقتها بمسلسل “جبل الحلال”: “الفنان محمود عبد العزيز في مسلسل جبل الحلال كان بيعاملني أكني بنته وينصحنى وبيكلمنى”.

 

وأضافت الفنانة :” وقالي خلى بالك من الدايرة اللى حواليكى هما دول اللى بيوقعوا، وبحمد ربنا أن ربنا حط ناس كويسة فى حياتى من بدرى”.

 

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا