توك شو

فريده سيف النصر تكشف سبب عدم زواجها حتي الآن

 

كتبت/ ريـهـام مـجـدي

كشفت الفنانة فريدة سيف النصر، من خلال تصريحات صحفية ، عن عدم زواجها رغم طلاقها منذ أكثر من 30 عامًا، مشيرة إلى أن لايصح أن تتزوج ولديه ابن.

وفي السطور التالية، نستعرض أبرز التصريحات، التي اعتلت بسببها فريدة سيف النصر، صدارة التريند.

وقالت فريدة سيف النصر: “أتقدملي ناس كتير بعد طلاقي لكني رفضت، لأني كان معايا ابني صغير، لما يكبر يتكسر لما يلاقي حد غير أبوه معايا، وإحنا صعايدة، ولو روحت الشغل وابني في البيت إيه اللي يعرفني الراجل يطلع إيه ممكن يعلم ابني المخدرات أو يطلع شاذ”.

وأضافت: “ميصحش أجيب راجل غريب ومعايا ابن، واللي عملته مش تضحية ده واجب، أمال النبي قال ليه أمك ثم أمك ثم أمك، واللي يخلفوا لازم يستحملوا، أومال بتخلفوا ليه ما تخلفوش أحسن، لكن مش كل الناس تفكيرها زي التاني، وكل واحد حر، وأنا شخصيتي قالتلي أن ابني فوق أي شئ، وبعد كده بنعجز والشغل بيروح وكل حاجة بتروح ومش هيفضل غير ابني”.

وتابعت قائله: “مش شايفة أني ضحيت أو أني معيشتش حياتي لأن ابني هو حياتي إيه التضحية في كده، وامتنعت عن شغل كتير وسفريات علشان خاطر ابني ولما كنت بسافر كان بيكون معايا هو ووالدتي اللي كنت خدامة تحت رجليها، والحمد لله جوزت ابني وجابلي بنتين بربيهم معاه”.

 

والجدير بالذكر أن آخر أعمال فريدة سيف النصر كان مسلسل “رانيا وسكينة” الذي عرض في رمضان 2022، والعمل من بطولة مي عمر وروبي.

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا