أبويا الأمير

بقلمي :سلوى صبح.

هو أنا كان ليَّا غيرك
يا أمير..
كنت أبويا والحبيب
كنت ضهري والقريب
كنت سندي يا عزيز قلبي
اللي غايب بس حاضر
شئ عجيب!!
والغريبة إنك عمرك يوم ما غبت!
والنصيب إنك تكون
في الحقيقة أكرم أب
والقدر إنك بالفعِل أبويا
مش بالكلام ! ياما قلت:
إنك أبويا بكل فخر
للغريب والقريب..
هو أنا كان ليا غيرك يا أمير..
كنت فخر لأي بنت
كنت سبب نجاحي
في كل أمر
كنت عِزة وكنت جاه
لما قُلت:
أيوة أنا خلفت بنت
أحلى بنت ..
ووقت الشدة
أجدع سِت
ست أبوها وسند أخوها
وحلاوة كل بيت
زرعة خضرة جوة غيط
هو أنا كان ليََا غيرك يا أمير..
يا أبويا
سِبت لي الأخ الكبير
صورة منك ..
بس سبت فراغ كبير
آه واجعني يا نبض قلبي
وجوة عقلي
إنتَ غير..
هو أنا كان ليَّا غيرك يا أمير..
لما كنت في سن شابة
كنت شيفاك الأمير
كنت بتمنى ألاقي حد شبهك
طبعُه زيك
كرم وحِنية وأمان
صعب جدًا
إنتَ غِير !
هو أنا كان ليَّا غيرك يا أمير..
يا حبيب قلبي اللي غايب
أعترف لك:
يا أبويًا إنتَ في عنيا الكبير
أيوة في عينيا الكبير ..
هو أنا كان ليَّا غِيرك يا أمير.

#بالعامية بقول.

إقرأ أيضاً:

موج القمر

كوني أنتي

ثوب الخذلان