محمود التركي ينضم لمسلسل “أعمل إيه” لـ خالد الصاوي 

87

 

 

 

دنيا عبد الكريم

 

 

أعلن الفنان الشاب محمود التركي عن انضمامه لمسلسل “أعمل إيه”، الذي يقوم ببطولته النجم خالد الصاوي، والذى من المقرر عرضه خلال الفترة المقبلة.

محمود التركي ينضم لمسلسل "أعمل إيه" لـ خالد الصاوي 
محمود التركي ينضم لمسلسل “أعمل إيه” لـ خالد الصاوي

 

وكتب “تركي” عبر حسابه على موقع التواصل الاجتماعي “فيسبوك” قائلًا:
بقالي فترة طويلة مش بشتغل، لأني كنت رافض أظهر في أعمال أقل من المستوى اللي حاطه لنفسي، ومع قلة ظهوري وشغلي، حسيت إني ابتديت أظلم نفسي بسبب المبادئ اللي حاططها لنفسي دي.

 

مش عايز أعمل حاجة غير أما تكون محترمة وتليق بالي أنا راسمه لنفسي.

 

 

وتابع محمود:
لحد ما في يوم وأنا قاعد بدعي ربنا حرفيـًا، لقيت تليفون من حد عزيز عليا اللي هي الكاستنج دايركتور القمر دي / منار زين بيقولي إني مترشح لدور مهم في مسلسل مهم جدًا، فغالبًا في قلب الضلمة اللي بتكون جوة الواحد يقينه بربنا وبنفسه هما اللي بيشعوا النور تاني جواه.

 

وقد كانت المفاجأة، لما روحت لشركة الإنتاج، فوجئت إني هعمل دور في مسلسل من بطولة العملاق “خالد الصاوي” بنفسه، يعني غول تمثيل حرفيـًا، واحد من أكبر النجوم في الوطن العربي، وأنا همثل قصاده.

 

وأضاف محمود التركي:
ولما بدأ التصوير لقيته زي أخ كبير بجد، مش ببالغ لما أقولك إن الراجل ده بث جوايا حاجات كتير كانت غايبة عني، وعلمني يعني أيه “نجم” بجد، بيتعامل معانا كلنا من صغيرنا لكبيرنا نفس المعاملة بكامل التقدير والاحترام.

 

وكأن ربنا بيعوضني عن كل اللي فات، وحقيقي اتعلمت كتير جدًا واجتهدت على نفسي كتير أوي عشان الدور يخرج بأفضل شكل.

 

وختم حديثه:
عشان كده.. وعشان حاجات تانية كتير، استنوني قريبًا في دور ” أشرف ” بمسلسل “أعمل إيه” من بطولة العملاق “خالد الصاوي” والفنانة الجميلة “صابرين” ومجموعة كبيرة من النجوم اللي تشرفت حقيقي بأني اشتغلت معاهم..
الحمد لله

قد يعجبك ايضآ