رؤية وابداع

 مالوش نهاية

سلوي صبح

مش هيخلص الكلام الحلو

دايمًا ما بيننا

فيه حاجات واضحة

وصاغتها الحروف علشانا

روح وطارت في سماها

حلقِّت وشوقها غنَّى..

أحلى غنوة ..

غنيتها الجُمل

رسمتها الحروف

وتاهت فيها المعاني

لحنتها السعادة

اتلاقينا

اتفاهمنَّا

وانسجمنَّا..

كأن بيننا سنين طويلة

في أحلى جنَّة..

والله ما باليد حِيلة

إحنَّا في الحب وقِعنا..

وفي السعادة كان أمَلنا..

اتواعِدنا

إن كل يوم بداية

وإن قصتنا كبيرة

مالهاش نهاية

والساعات اللي بتجري

كل ساعة فيها ميت حكاية

حُبِنا مولود كبير

من البداية

اتزرع في أرض خِصبة

واتروى من مية عذبة

قال وقالوا الحُب كِدبة!

أحلى كِدبة يا كدابين !!

جبتوا خبرتكم منين!!

ده إحنَّا لسه في هوانا غرقانين

ندعِي للي ما حب لِسه

يدوق حلاوته

شهد متكرر..

ونقول آمين..

إقرأ أيضاً: 

نداء

موج القمر

لن تكوني

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا