بياع حروف

58

عادل زوين

بياع حروف جوال

وبضاعتي ضحكاية على دمعة على موال

ومش بقول إن أناقلت اللي يوم ما اتقال

ولا كنت أناحفني ولا عمنا متقال

لكن بحس الحرف لي في حروفي عرف

لا تصاحب المألوف ولا عاللي ماشي تلوف

لو لبسوا توب الخوف قالوا الكلام بطال

يقولوا مش فارقة

الشعر نار حارقة

في أساسه كان شهقة

بتزيد موتتنا جمال

وأنا الجمال مذهبي

لو حتي في بكايا

الشعر دايمًا صبي

بيضخ في قوايا

الشعر ابن حلال

ترسم بحَبِة عبط

تحدف تترطش زلط

وتقول معاني غلط

في توب مهوش بطال

وأنا غزلي كان للشعر

حبيبي والله

هو العيون والشَعر

عالضعف مش واهي

الشعر داء وعضال

كحبيبة تيجي بشوق

ومن حروفي تدوق

وعاشقة مش محقوق

ده عدى بيه أهوال

وقال في وسط الصمت

وبدون خجل أو خوف

لكن بعكس الصمت

كان عالكلام معطوف

ورود لكن أدغال

طب قلي لو مطرحي

هتموت من الكتمان؟

فكرك ده راح يتمحي؟!

هتوضح الألوان؟!

بأوانه الاستهبال

إقرأ أيضاً:

كراسات اللقا

ماذا لو عادَ مُعتذِرًا؟

لو هبعد يوم وأسيبك

قد يعجبك ايضآ