أنا مِش بحِبِك!

سلوي صبح

أنا مش بحِبِك

أنا المجنون بيكي

كلامِك عنيكي

أدَّق تفاصيلِك

كل ما فيكي..

وبكل قوتي

في لحظة ضعفي

بجري عليكي..

كأنك بلادي

وراجِع من غربتي إليكي..

وكل الصُحاب والحبايب

أول ما أشوفِك

بفتكرهم فيكي..

حبيبتي

وبنتي

وساعات أمي

أنا يا حبيبتي

مِنِك إليكي..

يا بُستان محبة

يا عُمري اللي غاب

ونجمة عالية

في وِسط السحاب

وقلبي اللي داب

بنظرة وكلمة

وروح طيبة

ولقمة حلال

ماليها الجمال

في عز ما قالوا

ضاع الإخلاص

وما عدش طِيبة

وحتى في وقت الخِصام

بلاقيكي شايلة عني

كل الشِيلة

لأنِك أصيلة

مجرد زعل ويجري أوام

يا أحلى كلام

يا كل الكلام

ليكي مني أجدع سلام

أنا مش بحبك

انتي لقلبي معنى السلام

بِحُبِك

وشايل لك في قلبي

كل الاحترام..

إقرأ أيضاً:

كلمة بحبك

نداء

وقف الرسول