الإعلامية راندا فكري لـ رؤية وطن..”سأدخل عالم الفن في الفترة المقبلة بالشكل المناسب”

572

 

حوار : محمد طه

الإعلامية المتألقة في عالم الإعلام راندا فكري التي تعمل على مناقشة القضايا الاجتماعية الواقعيه المعاصرة ووضع حلول لها وصاحبة برنامج ( أنت الرجل ) والذي حقق نجاحات كبيرة منذ عرضه على شاشة قناة المحور والتي تضمن محتواه أن يكون نصيرا ومدافعا عن حقوق الرجل

وجاء نص الحوار كالتالي:

فكرة برنامج أنت الرجل كيف جاءت وما الهدف من وراءها وتدعيمها؟

فكرة كنت بفكر فيها من زمان وهي الدافع عن حقوق الرجل بشكل عام دون المساس بحقوق المرأة أو التجرأ عليها

 

هل برنامج حضرتك جاء معاكس لبرنامج هي وبس التي تقدمه الإعلامية رضوي الشربيني من أجل كسب التريند؟

مجاش في تفكيري خالص إن اكون معاكسه لبرنامج رضوي الشربيني و لا بجري وراء التريند بالعكس دة ضرني جدا بسبب برنامج رضوي الشربيني كان عليا هجوم سلبي ونقض من الستات بشكل عام لكن برنامجي ناجح جدا لانه بيقدم محتوي مختلف جديد

إيه اكتر نقض لحضرتك كان بيزعلك من الجماهير؟

كنت دائمًا بلاقي نقض كتير من الستات واكتر نقض ضايقني هو ان راندا بدافع عن الرجالة عشان عايزة عريس

 

برنامج مصري حضرتك بتحبيه ومتابعة وكمان اعلامي بتفضلي تتفرجي عليه؟

بحب برنامج صاحبة السعادة للنجمة إسعاد يونس لأنه مختلف ومحتواه كويس مناسب للجمهور ولايت بسيط فبحبه جدًا بصراحة

 

رأي حضرتك ايه في دور الإعلام اللي بيسلط الضوء على مشاكل مجتمع بشكل السلبي؟

الإعلام دوره تسليط الضوء على كل حاجة لكن مشاكل المجتمع لازم لو ناقشها يضع لها حلول بشكل سريع وبقي صعب جدا تقنين دور الإعلام في مناشقه هذه النوعية من قضايا المجتمع في ظل الانتفاح الاعلامي خاصة السوشيال ميديا

ما رأي حضرتك في السوشيال ميديا من حيث مدي تأثيرها علي المجتمع ومن حيث إيجابيات وسلبيات هذه الوسائل المتاحة للجميع؟

أصبحت السوشيال ميديا بتأثر على المجتمع بشكل واضح وكبير ومن ضمن سلبياتها تسليط الضوء على كل حاجة سلبية في مجتمعنا لكن من ضمن الإيجابيات الخاصة بالسوشيال ميديا هي قدرتها على تمثيل ضغط كبير علي أي حدث في المجتمع ووضع أيضًا حلول وحل مشكلات وقضايا بشكل إيجابي

فكرة برنامج حضرتك والمحتوى اللي حضرتك بتقدميه سواء على التلفزيون أو السوشيال ميديا بيتجي ازاي؟

الأفكار بتيجي من كومنت علي الصفحه أو رسائل خاصة بالصفحة برضو من حدث كبير يشغل الرأي العام أو تريند على سوشيال ميديا

ممكن تعملي برنامج بشكل جديد يناقش قضايا مجتمعية جديدة؟

ممكن جدًا معنديش مشكلة في التغيير بنفكر وبندرس نضيف فقرات جديدة في البرنامج ننزل الشارع نسأل الناس عن طريق لقاءات وحوارات معاهم

ممكن تدخلي مجال الفن في الفترة المقبلة؟

بالفعل عُرض عليا اكتر من عمل ولسة بنقرأ الورق وممكن تشوفني في عمل في رمضان الجاي

اللي بيقدم البرامج في الوقت الحالي هم فئة الفن لي أصبح هذا منتشر بشكل كبير في مجال الإعلام؟

دي حاجة خاصه بالإنتاج لاكتر من سبب منها عملية الإستسهال وبعتبار الفنان شخص معروف هيحقق نجاحات كبيرة في وقت قصير لكن علي الجانب الآخر هذه الأمور تسقط هيبة ودور الإعلام بشكله الحقيقي

أصبح إنتاج البرامج متعلق فقط بنوعيه برامج الترفية مثل المسابقات لماذا؟

ممكن عشان رفع الضغط عن الجمهور استسهال من ناحية الإنتاج مشاهدات هذه الأمور أكثر عشان بتكون برامج لايت بسيطة وخفيفة علي الجماهير.

مراجعة مادونا عادل عدلي

قد يعجبك ايضآ