دينا الزومبي لـ رؤية وطن… ” أكل اللحمة النيه والزجاج متعة بالنسبة لي والشنيور يخترقني بدون ألم”
حوار : محمد طة
تصوير : ولاء السيد
أجرى رؤية وطن حوار صحفيًا مع دينا شريف والمعروفة إعلاميًا “دينا الخارقة” والتي تفعل أشياء كثيرة مخالفة لقواعد المنطق مثل اكل السم والزجاج والمشي عليه وشد السيارات وغيرها من الأفعال الغير عقلانية
وجاء نص الحوار كالتالي
إزاي اكتشفتي حضرتك إنك تقدري تاكلي زجاج أو سم أو لحمة غير مطبوخة؟
أول حاجة لاحظتها في نفسي أن بقيت باكل لحمة نية وانا صغيرة من غير اي شخص يعرف ولا حتى مامتي تعرف حاجة
لما أكلتي زجاج أو استيكا مقلقتيش يحصلك مضاعفات أو مرض؟
كنت بخاف أحيانا أبلغ والدتي ان باكل الحاجات دي
مكنتيش بتقلقي من اكل الحاجات دي ؟
لا. مكنتش بخاف بالعكس كانت بالنسبه لي حاجات ممتعة كنت بكتشف حاجات في نفسي جديدة كان تحدي هشوف نفسي هعمل إيه
فكرة اكل الزجاج جات إزاي؟
جت عن طريق ان كنت بشوف ناس في فيديوهات بتاكل زجاج لكن منفعش اقلدهم فكنت حاسة من جوايا ممكن اعمل زيهم فجربت كدة وقدرت اكله زيهم بس عشان حسيت اني خارقة وليست شخص مقلد
طب لما اكلتي زجاج مكنش في تعب للمعدة؟
روحت كشفت عند دكتور عشان اطمن على نفسي بس طمني وقال كويسة ومفيش اي أثر لأي زجاج في معدتك
طب ازاي اكتشفتي قدرتك على شد سياره أو عربيه؟
كنت واقفة مع صديقتي وكنت مسنودة على عربية لاقيتها بتمشي فطلبت أشد عربية فقدرت أشدها وكدة
فكرة الشانيور ووضعه على الجسد ك فكرة كانت ازاي؟
كنت مع صديق وجربت شانيور على ايدي معمليش حاجة ومعورنيش فجربته كتير برضو محصليش حاجه
تحبي تنصحي الجمهور بـ أي؟
بنصح اي شخص بيشوفني ميقلدنيش لأن الحاجات دي غير قابلة للتقليد ولا للتجربة.
مراجعة مادونا عادل عدلي
مادونا عادل تكتب… “ماذا لو تعلمنا من دروس النجم محمد صبحي في أعماله الفنية
