رؤية وابداع

يوسف

محمد عبدالعظيم

وتقول كلام وحنين

وأنا قلبي طاله أنين

شط النجاة مع مين

يا دنيا قولي الحق

مين اللي كان أصدق؟

عايشين في بحر كبير

يوسف في بطن البير

ترميه قلوب جاحدة

يبيعوه كأنه أسير

ويسلم الصديق

رغم الوجع والضيق

فارس شريف وعفيف

تتسلسل الأحداث ..

مليانة بالتشويق

يوسف يا أطهر قلب

مستني تلقى الحب

والحب كان من فوق

من الإله والرب

وتلف بيك أيام

سجن العزيز أحلام

حكمة نبي مظلوم

جايبة البراءة قدام

لما الحقيقة تطل

كل الجراح تتحل

صابر مافيش تسليم

إلا لرب الكل

قصة نبي عانى

من حقد إخوانه

ورسالته دي أمانه

حجة لمن خانه

صبر الوجع مرهون

بالقدرة والتسليم

إن اللي فات مركون

بس اللي جاي ده يقين

عاش النبي يوسف

حاكم خزاين مصر

تتحقق الرؤية

ويشوف أبوه في القصر

تترد ليه الروح

من قبل حتى البوح

أصل الضنا غالي

كان قلب أبوه مدبوح

شوف حكمة الرزاق

في السجن والتفريق

قلب النبي مشتاق

ولا عمره ضل طريق

حضن النبي والديه

وشافه أبوه بعنيه

وبرغم كل الظلم

عفا عن كل ماليه

قصة وفيها العبر

تخطف قلوب الكل

يوسف ده خاطره انجبر

ولا عمره يوم اتذل

إقرأ أيضاً:

نداء

سجين

أمل وحنين

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا