“اسكتي”.. بهاء الدين محمد يوجه رسالةً لـ شيرين عبد الوهاب

37

ياسر خالد

 

وجه الشاعر بهاء الدين محمد رسالةً لـ المطربة شيرين عبد الوهاب، بعد ما قالته عن الملحن والموسيقار الراحل الكبير حسن أبو السعود.

 

"اسكتي".. بهاء الدين محمد يوجه رسالةً لـ شيرين عبد الوهاب
“اسكتي”.. بهاء الدين محمد يوجه رسالةً لـ شيرين عبد الوهاب

 

ونشر “محمد” صورةً لـ”أبو السعود” عبر حسابه الشخصي بموقع التواصل الاجتماعي “الفيسبوك”.

 

وعلق عليها، قائلًا: “حسن أبو السعود، حبيبى اللى عمرى ما حسيت إنه مش ف الدنيا، واللى كل الوسط بيحبه وكان وجوده ف أى مكان بيعمل حاله من البهجة بروحه الطيبة وقلبه اللى كله حب وفن”.

 

وأردف: “الفنان اللى عملنا مع بعض نجاحات عايشه لحد النهاردة، ومنها أسف حبيبتي، لما النسيم، فى ناس، أصعب حب، وعدى الليل، عمال يحكيلي عنها ومئات الأغاني”.

 

وتابع: “اللي كان بخبرته ف اللايف بيعرف يجيب الجملة، اللي الناس تحبها، وبالفعل سيطرنا سنين على الساحة الغنائية وغيرنا كتير. ده غير أنه كان من أفضل العازفين على الأوكرديون في العالم”.

 

وأضاف: “وفي يوم من الأيام، وهو نايم تعبان لقيته ابتسملي وسألني أنت عارف مين أكتر حد حيزعل عليا لما أموت؟، قولتله اسم من أسماء ولاده. قالي لأ أنت أكتر حد حيزعل عليا”.

 

وأكمل: “وبالفعل أنا مابقيتش حتى أمشي من شارع بيته، وفضلت فترة طويلة أنسى أنه مات، لأنه عشرة فن وحياة. وكان بيحبنى كأني ابنه وكان بيفرحلي بكل نجاح حتى لو مش معاه، وحأبقى أحكيلكم إزاي اتقابلنا، لأن الموضوع ده مهم”.

 

وواصل: “والمهم علشان أقول اللى ضميرى بيحسه في موضوع شيرين عبد الوهاب، واللى جهات كتير عايزني أقول رأيي ف كلامها عنه أو وصفها، أنا بكل صراحة بأقول ماحستش إنها قاصدة تهينه ولا تسخر منه”.

 

واستكمل: “هي بس استدعت سيرته بشكل يبدو ساخر، لكن أنا رغم إني متضايق منها وهو عندي من أغلى الناس، إلا إن إحساسي قالي إنها ماتقصدش”.

 

وأشار: “لأن فعلا لما كنا بنتقابل كان بيحتفل بشيرين وبيحب فنها والبساطة اللى فيها، وهى كانت بتحبه وتحترمه”.

 

وأوضح: “وللعلم أنا لما كنت بأروحله وشبعان ومش طايق أشوف أكل، أول ما يقولي تاكل بأداء ماشوفتش زيه بألاقى نفسى بأجوع، الله يرحمه كان فنان ودمه خفيف وقلبه قلب طفل”.

 

وأتم: “بس هى غلطانة إنها بتطلع تتكلم!!!، ولو ليا سلطة عليها مش حأخليها تنطق لا على مسرح ولا لقاء ولا حتى ف حياتها الشخصية. أسكتي يا شيرين”.

 

"اسكتي".. بهاء الدين محمد يوجه رسالةً لـ شيرين عبد الوهاب
“اسكتي”.. بهاء الدين محمد يوجه رسالةً لـ شيرين عبد الوهاب

 

جاء ذلك على خلفية ما قالته شيرين عن “أبو السعود “، خلال مداخلتها الهاتفية مع الإعلامية لميس الحديدي ببرنامج “كلمة أخيرة” عبر قناة “On”.

 

والتي قالت فيها أنها قبل زواجها من طليقها المطرب حسام حبيب كانت مثل “البدر المنور”، لكن بعد زواجهما والخلافات التي نشبت بينهما، أصبحت تشبه “أبو السعود”.

 

وقد أثارت تصريحات المطربة شيرين عبد الوهاب أثارت جدلًا واسعًا على مدار الساعات الماضية.

 

يذكر أن الموسيقار الكبير الراحل حسن أبو السعود كان علمًا من أعلام الموسيقى في مصر والوطن العربي، وقد رحل عن عالمنا في 17 إبريل من عام 2007.

قد يعجبك ايضآ