أخبار الفن

محمد امام: “بحاول انوع على قد ما أقدر و أركز حاليًا على الأكشن الكوميدي”

 

ثريا الصاوي

 

أوضح الفنان محمد امام عن طريقة اختياره لأعماله الفنية وإهتمامه طوال عمره بالأعمال الجماهيرية وما سيعجب الناس.

محمد امام: "بحاول انوع على قد ما أقدر و أركز حاليًا على الأكشن الكوميدي"
بوستر فيلم عمهم

 

وقال خلال لقائه مع قناة سكاي نيوز: “طول عمري بفكر في الأعمال الجماهيرية، ما إحنا الفن بنعمله للناس، إيه بيعجب الناس إيه ممكن يبقى جماهيري هو ده اللي بيبقى في دماغي أكتر”.

 

وأضاف امام: “بعتمد في طريقة تقديمي لكل عمل على طبيعة الدور والشخصية، وبحاول التنويع فيما أقدمه قدر الإمكان و لكن يحاول تقديم مشروع خاص بيا وهو كوميديا الأكشن”.

 

وتابع: “الجمهور أهم حاجة، هو ده اللي بيصرف علينا، عايز أقول الشعب المصري والعربي هو اللي صرف عليا ورباني، ودخلني مدرسة وهو اللي دخلني جامعة، من التذاكر اللي كان بيروح يدفعها لأبويا في السينمات والحاجات دي”.

وأكمل محمد امام حديثه: “الموضوع دا واخده من أبويا أكتر أن أهم حاجة هي الجمهور، وأنا عايز أقدم إيه لازم الواحد يعمل قاعدة جماهيرية يكون الجمهور واثق فيه وساعتها ممكن يغير براحته”.

 

وفي هذا السياق يُعرض حاليًا للفنان محمد امام، فيلم “عمهم” وهو من تأليف وسام صبري، وإخراج حسين المنباوي، وإنتاج أحمد السبكي، وبطولة محمد إمام، سيد رجب، محمد سلام، محمد لطفي، هدى المفتي، آيتن عامر، باسم سمرة، رياض الخولي، أحمد خالد صالح، ومحمد ثروت، والشحات مبروك.

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا