هاني شاكر بعد حصوله على جنسية أجنبية: “وطنيتي معروفة للكل”

45

 

ثريا الصاوي

أعرب الفنان هاني شاكر على سعادته بحصوله جنسية دولة دومينيكا، من خلال برنامج ET بالعربي.

وقال: “دي خطوة أنا سعيد بيها أوي، والناس اللي فهمته غلط ده للأسف حال السوشيال ميديا، كله بيفتي، واللي عارف زي اللي مش عارف، وكله بيقول من عنده أي حاجة”.

وأضاف شاكر: “الباسبور ليس له علاقة بوطنيتي، أنا وطنيتي معروفة لكل الناس وحبي لمصر ولبلدي معروف، ولا كان يمكن إني أُقدم على هذه الخطوة لو كان فيها أي تغيير بالنسبة لموقفي كمصري واحتفاظي بالباسبور المصري أو إني أقيم في دومينيكا على طول، الباسبور ده مش بيطلب مني كده خالص وانا بعتز بجنسيتي المصرية”.

وتابع: “لو كان شرط إني أحصل على جنسية الدومينيكا أتنازل عن جنسيتي المصرية أكيد كنت هرفض، وأنا حريص على الجنسية المصرية وفخور بيها جدا في كل مكان، وأنا بطمن كل الناس أن مصر الفترة اللي جاية إن شاء الله اقتصاديا هتكون في منطقة تانية خالص وهتكون من ضمن الدول القوية اقتصاديا في الشرق الأوسط، وده طبعا نتيجة السياسة الحكيمة لفخامة الرئيس عبد الفتاح السيسي”.

ويذكر أن قد أكد الفنان هاني شاكر تمسكه بقرار الاستقالة من منصب نقيب المهن الموسيقية، مقدرا وقفة زملائه معه ودعمهم له.

وكان قد أعلن مجلس إدارة نقابة المهن الموسيقية، عن رفض استقالة الفنان هاني شاكر من منصب النقيب، والتي كانت بسبب الخلاف الذي حدث خلال مؤتمر أقامته النقابة لاعتذار مطرب المهرجانات حسن شاكوش لعازفي الإيقاع.

قد يعجبك ايضآ