حوارات

أميرة الشريف لـ رؤية وطن : ” اتمنى العمل مع كريم عبد العزيز والوصية كان نقلة فنية مهمة في حياتي”

محمد طه 

أميرة الشريف فنانة مصرية بدأت الحياة الفنية بعد تقديمها لعدة إعلانات قدمت العديد من الأعمال الفنية المتنوعة في الدراما التليفزيونية والسينما

فمن الأعمال التلفزيونيه “طريقي والوصية والخانقة وغيرها من الأعمال الفنية أما عن الاعمال الفنية السينمائيه فمنها شد اجزاء مع النجم محمد رمضان واللي أختشوا ماتوا مع النجمة غادة عبد الرازق

أميرة الشريف في حوار لرؤية وطن

بدايات حضرتك كانت الاعلان ازاي تم ترشيحك للعمل في مراتي وزوجتي؟

اشتغلت إعلانات كتير ساعدتني جدا في مشواري الفني وترشيحي ودخولي لمجال الفن

هل تخاوفتي من البطولة المشتركة في فيلم اللي اختشوا ماتوا خاصًا فيه عدد من النجوم منهم غادة عبد الرازق؟

لم اخاف ابدًا، كنت داخلة العمل واثقة في نفسي كل واحد لي طريقة شغل وحتته اللي بتميزه عن غيره ك فنان بس كنت قلقانة شوية من الدور وهو البنت الصعيدية

فيلم اللي اختشوا ماتوا كان سبب في مشاركه لأعمال فنية اخرى؟

اترشحت بعدها لاكتر من عمل مع الفنانة غادة عبد الرازق مثل مسلسل الخانكة ومكنتش اعرف اني في المسلسل وتفأجات لأن مكنش لسه في تواصل بينا اوي

ممثل مصري نفسك تمثلي معاه من الجيل الحالي؟

نفسي أمثل مع الفنان كريم عبد العزيز

وصفتي دورك في مسلسل نصيبي وقسمتك انه جرأة وليس إغراء اية الفرق بين الجرأة والاغراء من وجه نظرك؟

الجرأة في الطريقه في الدور نفسه وانا بمثل لازم اكون جريئة عندي ثقة فهو دور جرأة وليس إغراء لاني مبعملش أدوار إغراء

قدمتي دور المرأة الصعيدية في أكثر من عمل ازاي أتقنت لهجة صعيدية؟

اللهجة كانت صعبة شوية وفي بعض الكلمات كانت مش سهلة كنت بحاول اركز في المشهد واركز اني اقوله بالصعيدي فكان في بدايته صعب لكن بعد كدة كانت كويسة

المسلسل الأقرب إلى اميرة الشريف الوصية ولا طريقي ؟

بعشق طبعا طريقي لكن الوصية بحبه جدا وكان محطة فنية كويسة واستقبله الجمهور بنجاح كبير اوي

متى بدأت تركزي في قراءة الورق ولم تكوني مقتنعة بالعمل وتخافي على اسم الفنانه اميرة الشريف؟

بعد الوصية بدأت أركز في قراءة الورق جدا وقبل الوصية كنت برضو بعمل كدة لكن التركيز مهم جدا بعد الوصية

شخصية فنية شاركتيها وكانت قريبة من حضرتك في الحقيقة؟

شخصيتي في مسلسل طريقي لأن أنا غيورة شوية

فنانة قريبة منك وبتحبيها ؟وعمل فني من زمن الفن الجميل تشاركي فيه ؟

بعشق جدا الفنانة سعاد حسني ولو كنت في زمن الفن الجميل كنت هختار فيلم خلي بالك من زوزو عشان اشارك فيه.

 

مراجعة مادونا عادل عدلي 

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا