عمرو أديب مطالبًا بإصدار باسبور دبلوماسي لمحمد صلاح: مش محتاج باسبور بس تحفيز للناس اللي عايزة تعمل زيه

39

منار عبد الناصر

ظهر الإعلامي عمرو أديب في حلقة أمس مطالبًا وزارة الخارجية ورئيس الوزراء بإصدار جواز سفر دبلوماسي للاعب المصري محمد صلاح.

حيث قال “أديب” أن محمد صلاح منح ما يقارب من 6 % من ثروته للأعمال الخيرية في داخل وخارج مصر، مؤكدًا على سهولة إصدار ذلك الباسبور من قِبل الجهات المُختصة.

وقال عمرو أديب عبر برنامجه المُذاع على قناة ام بي سي مصر “الحكاية”:
“أنا أظن أن باسبور دبلوماسي لمحمد صلاح مش محتاج وقت كتير، ترجو منقعدش فيه سنة
بس ميطلعش واحد يقولك ليه محمد صلاح ما عندنا دكاترة ومهندسين ونبدأ مزايدة
الراجل ده عدا عدا صاروخ”.

وتابع قائلًا:
“محمد صلاح فخر العرب اسم ونموذج ورفع راية مصر والعرب، فلما تديله باسبور ده اقل حاجة يعني، مع إنه مش محتاج يعني بس ده تقدير منك للعيب بتاعك، عشان يعمل تحفيز لكل الناس اللي عايزة تعمل لمصر بعده”.

يذكر أن برنامج الحكاية يُذاع من الجمعة إلى الاثنين في تمام الساعة العاشرة مساءًا على شاشة ام بي سي مصر، حيث يُناقش البرنامج فقرات متنوعة من فقرات اجتماعية وسياسية، بالإضافة الى أنه يستضيف مجموعة من نجوم الفن والرياضة.

قد يعجبك ايضآ