سِت بمَّيه

30

سلوي صبح

وبرغم الأحداث الكتيرة

اللي في حياتي خطيرة

ما زلت بلعب دور الأميرة..

برنسيس

رقيقة

لطيفة

ومثيرة

ووقت الشدة ببقي

زعيمة العصابة الكبيرة..

بعافر بقوة

وأحارب بشدة

وأنشن وأضرب

في قلب العدو

سلاحي الهدوء

كلامي يدوب

مجرد حروف

تلف وتخنق أجدع بطل

يقول إنه قادر يشق الحجر

مع إني في نظره أضعف بشر

لكنِّي بجد سِت عافية

وببقى ذكية

وسِت بمِّيه

في ساعة الخطر

ولكني عمري ما هدفن راسي

زي النعامة في قلب الرمال

خوف م البشر

لأن معايا رب البشر.

إقرأ أيضاً:

أمل وحنين

فراق

موج القمر

قد يعجبك ايضآ