ضي الحب

23

 داليا يحيى

عرفته وقلبه كان مجروحًا

وحَب يداوي الجراح بيا

 

وقلبي طريقه مش مفتوح

ولا مسموح يعيش الحب

وأكون يوم ليه يكون ليا

 

قفلت بيباني ع الأشواق

عشقت الوحدة جوايا

وعاشقة سكون لياليا

 

ضجيج قلبي صبح هادي

في عز العتمة بينور

وبحضن روحي وراضية بإن

أسافر من طريق لطريق

ولو هتوه تضل طريقها مراسيا

 

ما نيش محتاجة كلمة حب

ولا بتمني نظرة شوق وحنيا

 

كتير قبله انجرح قلبه

وليل الشوق يبكي الصخر

ولا هقبل أكون له بديلًا

وأعيش العمر أَنَسِيه غيري

ورافضة أكون مداويا

 

أنا لو تيجي أفراحي في يوم

بالعشق فأحسن أكون

في أخر الكون ومنسيا

 

أنا لو يوم لمح قلبي ضي الحب

ولو خطي في طريق عشاق

يكون أهون أموت قلبي بإديا

 

أنا مش ليك .ولا لغيرك

في مرة هكون وضي عنيك

محال هتشوفه في عنيا

إقرأ أيضاً:

نداء

الكوخ العظيم

سجين

قد يعجبك ايضآ